蛇王弟 (兆和街)

Open Now

Now Closed

今日喺荃灣行街，想食蛇羹，食開嗰間休息，所以就嚟呢間蛇王弟食午餐。坐低咗之後，目標清晰嘅我就叫咗個大蛇羹餐，有生炒糯米飯同蛇湯佐餐。一共102蚊。餐齊開始食，發覺蛇羹嘅蛇肉好少，仲要係蛇絲，係好似普通碗仔翅咁，味道仲好一般。糯米飯居然唔熱，口感仲要有生飯粒，臘味又少。最離譜嘅就係個蛇湯，大家可以睇返其他人放嘅蛇湯相，根本係清雞湯黄色。我一飲，就知直情係普通史X生清雞湯加熱當蛇湯，會煮飯嘅人實知，一試就試得出。成餐都好難食，活受罪。我寫食評絕無加鹽醋，對得住良心。希望各位去食之前睇到，唔好上當，本人已親身試伏，中埋伏。完。