CHEF STAGE de Eddy Chu (Closed)

上網見到呢間餐廳好多讚好食評，而且寫住生日套餐第二份半價，有寫名甜品又話有駐場歌手唱生日歌就諗住同男朋友嚟慶祝生日。一入到去侍應就安排咗我哋坐一個角落位，坐咗唔到10分鐘係冇冷氣到嘅我哋熱到流汗，我哋就要求坐返出嚟，侍應話只可以坐喺雪櫃前面，咁都好過熱到出汗啦，點知出面啲冷氣勁到兜頭兜面吹，坐咗一個鐘都唔夠，隔籬枱都頂唔順要調位。到食物出場啲食物份量極少，舊牛扒好似俾人食咗一半咁😧，舊羊架超級細舊又薄，每件得一啖，而且味道一般。呢啲價錢完全唔值。食完主菜諗住叫佢拎甜品出嚟插蠟燭，因為啲冷氣太勁好似打緊風咁，完全係點唔着支蠟燭，就算調位去隔籬枱都係勁大風，點唔着支生日蠟燭。雖然佢啲冷氣勁大，但係坐喺間餐廳成餐飯你係會聞到好勁油煙味🤢你只會想快快食完快快走，什麼駐場歌手唱生日歌是欠奉的。🙄我從來沒有寫過食評，都忍唔住要寫一下。是一次非常差的用餐體驗。