Video
Read full review
2019-05-12
1886 views
為左慶祝母親節，特地book晶荷軒，點知大失所望！1）訂座一開始打去訂6大2小，成功book到；其後改為4大1小，都成功改到；到前一日想再book返6大2小，接線生話冇得加人數了，因為母親節booking好緊張，我問可以坐逼點嗎？接線生回應話我個枱啲位都幾逼，應該加唔到了，咁冇辦法啦，唯有要返4大1小。點知去到，竟然俾張6大2小枱我，座位非常鬆動，咁其實同事中間有冇溝通過？究竟由頭到尾有冇幫我改座位？如果係可以俾返6大2小枱我點解又話冇得加返呢？莫名奇妙！因為呢個安排失誤，令兩位親人不能參與慶祝，是為失望一。2）出品等待時間：等了45分鐘先有野食。白飯都要等15分鐘味道：訂了4款點心（2款包點+蘿蔔糕+米奇煎餅）三眼仔菜肉包個包好乾身、迷你，菜肉超少，味道亦不突出，個樣好奇怪。Shelly May 紅豆包樣子都係奇怪，好乾，所以冇食到；米奇煎餅感覺好Hea，材料求其得蔥花，點豆瓣醬，就算即刻食，入口都唔熱，應該放左好耐！最好食係鴛鴦蘿蔔糕，皮少少脆，味道雖然唔突出，但比起其他點心，入口有「熱」的感覺已經好好。另外散點叫貴妃雞，味道普通而且細份。最欣賞芋角，入面有雜菜粒，令芋茸相對冇咁膩
1）訂座
一開始打去訂6大2小，成功book到；其後改為4大1小，都成功改到；到前一日想再book返6大2小，接線生話冇得加人數了，因為母親節booking好緊張，我問可以坐逼點嗎？接線生回應話我個枱啲位都幾逼，應該加唔到了，咁冇辦法啦，唯有要返4大1小。點知去到，竟然俾張6大2小枱我，座位非常鬆動，咁其實同事中間有冇溝通過？究竟由頭到尾有冇幫我改座位？如果係可以俾返6大2小枱我點解又話冇得加返呢？莫名奇妙！因為呢個安排失誤，令兩位親人不能參與慶祝，是為失望一。
2）出品
等待時間：等了45分鐘先有野食。白飯都要等15分鐘
味道：訂了4款點心（2款包點+蘿蔔糕+米奇煎餅）三眼仔菜肉包個包好乾身、迷你，菜肉超少，味道亦不突出，個樣好奇怪。Shelly May 紅豆包樣子都係奇怪，好乾，所以冇食到；米奇煎餅感覺好Hea，材料求其得蔥花，點豆瓣醬，就算即刻食，入口都唔熱，應該放左好耐！最好食係鴛鴦蘿蔔糕，皮少少脆，味道雖然唔突出，但比起其他點心，入口有「熱」的感覺已經好好。
另外散點叫貴妃雞，味道普通而且細份。最欣賞芋角，入面有雜菜粒，令芋茸相對冇咁膩！蝦餃都不過不失，比較起來算幾好！
3）服務
帶位：我咩都未講，門口帶位的男生就不斷叫我等等，話未得，仲安排緊上一張；但又唔問我攞電話check下邊張枱等等。因為我屋企人已經入左去，其實佢check我電話咪知我地已經攞左枱，可以安排我入去，而唔係叫我繼續等囉..
另外，有2-3個同事走黎問last order仲有冇嘢加？我地重複答了幾次有咩未到，同埋冇新嘢要加咁樣。睇黎晶荷軒同事們之間應該冇咩溝通。
總括而言，價錢唔平，但食物服務都咁麻麻，應該冇下次了！
Post
