Video
Read full review
2010-08-01
17 views
對 Outback 完全改觀，紅磡分店比起尖咀、銅鑼灣令我非常滿意，服務、環境、出品屬中上級，真係好好 ﹗我第一次去依間，真係好過尖咀同銅鑼灣，可能嗰晚少人又唔係太忙掛，而前者兩間次次都爆，可能因此質數差啲囉，要改善 ~今次兩個人坐梳化卡位，勁寬倘、勁舒服，張枱又夠大。各侍應服務殷勤、面滿笑容、有耐性，好滿意。只有個四眼後生仔稍遜，無咩表情。黑麥包 Rye Bushman Bread，好香，熱辣辣，烤得外層脆、裡面軟棉棉，好新鮮，點啲 cream，好好味 ﹗食到唔停口，但要留肚食其他野。豬肋骨併炸雞膇，芝士薯條 OK 啦，本人夠喜歡新鮮手切薯。炸雞膇香口味濃、豬肋骨味濃略甜。凱撒沙律，好清而普通既一味，做伴碟比較適合。菜算新鮮，加點芝士粉、多士，大路口味，無咩特別。安格斯肉眼扒配焗薯，暫時覺得依度既焗薯係我係香港食咁多間餐廰最好食既一間，非常軟棉，焗得夠透，配 sour cream 同吃，又滑又香又棉又甜 ﹗因就我朋友，所以肉眼扒叫五成熟，一般我較喜歡食三成。可選網燒或板燒，我鍾意網燒有 BBQ 香味，好重牛味，正，口感腍滑、纖維較緊密、肉汁豐盈，加埋微辣黑椒汁，非常惹味。跟大埔 Af
今次兩個人坐梳化卡位，勁寬倘、勁舒服，張枱又夠大。各侍應服務殷勤、面滿笑容、有耐性，好滿意。只有個四眼後生仔稍遜，無咩表情。
黑麥包 Rye Bushman Bread，好香，熱辣辣，烤得外層脆、裡面軟棉棉，好新鮮，點啲 cream，好好味 ﹗食到唔停口，但要留肚食其他野。
豬肋骨併炸雞膇，芝士薯條 OK 啦，本人夠喜歡新鮮手切薯。炸雞膇香口味濃、豬肋骨味濃略甜。
凱撒沙律，好清而普通既一味，做伴碟比較適合。菜算新鮮，加點芝士粉、多士，大路口味，無咩特別。
安格斯肉眼扒配焗薯，暫時覺得依度既焗薯係我係香港食咁多間餐廰最好食既一間，非常軟棉，焗得夠透，配 sour cream 同吃，又滑又香又棉又甜 ﹗因就我朋友，所以肉眼扒叫五成熟，一般我較喜歡食三成。可選網燒或板燒，我鍾意網燒有 BBQ 香味，好重牛味，正，口感腍滑、纖維較緊密、肉汁豐盈，加埋微辣黑椒汁，非常惹味。跟大埔 After 5 比真係不相伯仲，各有各好，兩者都超水準 ﹗但嚴格黎講 Outbank 勝，香味、口感、脂肪比例略勝一籌，啲啲咁多 ~
Post
