曼菊泰國料理 (Moved) New Location

其實之前買過佢嘅冬陰公湯河覺得幾好食，所以諗住今次試吓佢嘅炒金邊粉。落單之後唔使2分鐘就拎到外賣，我心諗點解今日咁快手嘅！？返到屋企一打開...我真係打咗個凸！42蚊盒炒金邊粉，乾爭爭乜味都冇，得幾舊炒蛋碎同埋兩粒蝦。成盒入面冇花生碎冇辣椒粉無青檸又冇豆腐干...搞乜！？完全同佢Menu上面果幅圖有極大嘅分別！我諗我直頭可以去消費者委員會嗰度做投訴添！如果你係唔夠食材去煮嘅話，我情願你同客人講冇呢一個菜式，都唔好欺騙客人！有圖有真相！真係比錢買難受！