Häagen-Dazs (Closed)

啱啱喺附近食完韓燒放題，但竟然冇甜品或生果，有啲美中不足，就走左去THE ONE嘅Häagen-Dazs食雪糕! 呢度只有幾張枱，假日好難搵位，今日係平日，唔駛等已經有位坐。睇中左三款雪糕，一球要$45，兩球$60、三球$72。見到有個甜品叫愛情號，幾靚，有三球雪糕又係$72，就要呢個啦，影相都靚啲~其實即係香蕉船~丫香蕉船~ 賣相唔錯，有士多啤梨做點綴，不過有啲酸。三款雪糕用兩塊香脆薄窩夫分隔，仲淋上朱古力漿同灑上朱古力豆。三款雪糕揀左芒果雪菓 - 香甜芒果味，涼透心，可惜冇果肉。呍呢嗱焦糖朱古力蛋糕 - 加入左細細粒嘅朱古力蛋糕入雪糕入面，口感特別豐富。曲奇呍呢嗱，有少少曲奇，但呍呢嗱唔突出，一般。韓燒放題加雪糕作結，咁先係完滿嘅一餐。