Häagen-Dazs (Closed)

又係因為有coupon關係， 又有免費🍦吃！是haagen dazs呢！首先有一杯單球雪糕筒！唔可以揀味！比利時朱古力！正！另外仲有張$50 coupon, 我地揀左$75 既香蕉船！🍦➕🍌!!😆😆！香蕉船可以揀味， 我地揀左牛奶拖肥，焦糖脆餅。同埋冧油提子！比$25食到咁多野！ 正到暈！

平時去開Häagen-Dazs多數食雪糕多, 好似係近呢年先開始新推出奶昔同沙冰類, 但未試過奶昔同沙冰, 原本我諗住試奶昔既, 但又揀唔啱口味, 因為奶昔款好似得3至4款, 睇中呢款粉紅少女, 問侍應係咩嚟, 話係士多啤梨沙冰, 所以我就試咗啦, 簡直一試難忘, 因為真係好好飲, 飲得出士多啤梨既鮮果味, 加上沙冰質地係好幼細, 完全飲唔到係冰粒搞成既, 之前飲過其他食巿整既沙冰飲品, 係飲到一粒粒細少既冰粒, 仲要唔係入口即溶果隻, 係要自己用牙咬碎, 所以好欣賞呢到既沙冰, 真係直得推介

Haagen-dazs...有唔少人將佢列為放入口嘅最低標準, 但得罪講句, 除咗basic嘅vanilla, cookies&cream, strawberry, 我食過嘅味都係好一般...(可能我唔識揀?)用碟頭飯嘅價錢買雪糕我唔捨得, 所以我冇一次係正價食(多數係飛機餐/party)今次有$50 coupon見到有$51嘅choice好感動, 唔洗蝕$5$45+$6就可以揀水果+醬+果仁, 筒都會upgrade~揀咗香蕉+朱古力醬+杏仁+榛子雪糕(新口味)賣相可能唔算吸引, 但果仁類配香蕉絕對係perfect match可惜我match得咁好都冇意義, 主角唔爭氣香蕉切到大小不一XD杏仁大粒, 脆口, 好香~~反觀榛子雪糕就...我刻意避開醬料, 品嚐雪糕原味雪糕早就喺匙羹上溶化, 唔夠厚實刺激味蕾啲只有砂糖嘅甜... 點食都冇榛子味...再度失望, 壯大我唔用正價食佢嘅決心...繽紛樂比佢更濃陏幼滑

約了朋友晚飯，時間尚早，走了一趟Twist,沒有吸引眼球的東西（其實是折扣），便走入The One，巡視IT各大店鋪，看看可會在下半年多一點零用錢走到了HD門前。噢，很多年沒有堂食了，買回家享用也已經是一年多前。以前，坐在店內，一個一個大大的雪糕球，放在我們面前（亦是放在店內其他人驚奇的眼睛裡），肆無忌憚，大口大口的，享受獨一無二的味道！懷念湧上心頭，眼睛也被吸引，買了一個五個雪糕球的，只要$70多元。當然，不是大大雪糕球，只是小小雪糕球（跟chocolate fountain的差不多大小）。雖然是預期的大小，雪糕味道也是依舊，但懷念的心已經下沉至平復。罷了，還是嘗試其他品牌。M字頭的已經是我的心頭好！而D字頭的Premium也可以。雪糕這甜點，我想只要配料新鮮，質量高端，手作小店相信會做得更出色，希望往後回憶會再有更新！

夏日炎炎, 同女朋友仔食完個靚飯, 之後最好既活動當然係食返杯雪糕啦行THE ONE經過Häagen-Dazs 好似幾好味又透心涼,我地就叫左一人一杯黎食今次見到佢多左個新味原味乳酪, 個職員又比我地試下, 覺得都幾好味, 咁就就叫原味乳酪, 女朋友仔鐘意食莓味, 佢就叫左個仲夏野莓原味乳酪其實乳酪味都夠濃, 個雪糕都夠實淨, 個筒比其他分店黎講算脆, 但我食食下覺得過甜, 食完好想飲水仲夏野莓幾有莓味, 鐘意酸既人應該幾LIKE, 但我麻麻地, 女朋友仔就話好味

最近天氣都好熱吓，呢日同朋友去咗呢頭行街街，見到有間Haagen Dazs，咁就同朋友買咗杯雙球嘅鮮果華夫筒share嚟食出到嚟個賣相都幾靚呀，雙球雪糕分別揀咗話係呢排先推出同期間限定嘅柑橘柚子味雪糕，食落都幾清新嘅，另一款雪糕就揀咗藍莓味。Topping入面嘅鮮果就揀咗鮮奇異果，個味道略嫌酸咗少少少少少，其他配料揀咗朱古力醬同彩虹碎糖。華夫筒方面都算脆口，不過食食吓可能雪糕開始溶整濕咗筒，就有少少影響個口感。

今晚同朋友喺尖沙咀食完晚餐今日只係星期二估唔到八、九點想搵個地方食啲甜品都咁難經過Haagen Dazs 門口，咁岩有張檯，真係好彩店員都幾好，介紹啲新款雪糕俾我地試我地最後叫左兩杯朱古力樂園每杯可以任揀兩球雪糕入面有布朗尼蛋糕，cream同埋類似脆餅既野仲有啲士多啤梨添架我叫左夏威夷果仁同呍呢拿焦糖朱古力蛋糕朋友叫左拖肥麻糬同芒果拖肥麻糬就係新味，店員介紹完朋友覺得幾好味就叫左球有啲蛋糕溝埋啲雪糕👍👍不過真係好甜

啱啱喺附近食完韓燒放題，但竟然冇甜品或生果，有啲美中不足，就走左去THE ONE嘅Häagen-Dazs食雪糕! 呢度只有幾張枱，假日好難搵位，今日係平日，唔駛等已經有位坐。睇中左三款雪糕，一球要$45，兩球$60、三球$72。見到有個甜品叫愛情號，幾靚，有三球雪糕又係$72，就要呢個啦，影相都靚啲~其實即係香蕉船~丫香蕉船~ 賣相唔錯，有士多啤梨做點綴，不過有啲酸。三款雪糕用兩塊香脆薄窩夫分隔，仲淋上朱古力漿同灑上朱古力豆。三款雪糕揀左芒果雪菓 - 香甜芒果味，涼透心，可惜冇果肉。呍呢嗱焦糖朱古力蛋糕 - 加入左細細粒嘅朱古力蛋糕入雪糕入面，口感特別豐富。曲奇呍呢嗱，有少少曲奇，但呍呢嗱唔突出，一般。韓燒放題加雪糕作結，咁先係完滿嘅一餐。

在它的平日，有時會有推出下午茶的優惠，而價錢也相對地抵食。我個人是十分喜歡吃酸的東西，而 Haagen daz 的莓味雪糕也一直是我多年來的至愛。它的雪糕酸度很到點，但本身的奶不會很甜，一啖啖酸尾尾的感覺放進口中，感覺超棒! 而它的藍莓 cheese cake 的 cheese味較淡，若果多些芝士味就必更好吃! 不過，它的藍莓味很出，又是酸酸甜甜的感覺! 試過數次不同的飲料，水準很普通。所以它出名的都是雪糕!! 莓味雪糕好味的程度，對我來說真的是世界級!!

Haagen-Dazs二人同行 一人免費優惠又推出啦！ 留意要用八達通付款喲簡單啲尼講 就係$63有四球雪糕 可以選擇用杯或筒 優惠做到29/3！豬小姐同兩位朋友仔一齊食 當high tea四球雪球當中 其中一球要揀季節限定新口味 接骨木花黑加侖子(elderflower & blackcurrant)/玫瑰紅桑子荔枝(rose raspberry & lychee)我地揀左第一款口味另外三款我地揀左冧酒提子(rum raisin) 士多啤梨芝士餅(strawberry cheesecake)同埋意大利芝士餅(tiramisu)冧酒提子係豬小姐嘅最愛 冧酒味香濃 提子乾有咬口 飄著酒香 雪糕不乏奶滑 真係食極不厭兩款芝士餅口味嘅雪糕都夾雜蛋糕碎粒 真材實料 芝士幼滑不會過膩 兩位朋友一臉滿足 大叫好味新口味接骨木花黑加侖子帶左驚喜比我地！接骨木花係一種七月會係歐洲盛開嘅小黃花 有生津解渴 發汗利尿嘅功效 有一定嘅營養價值賣相有如粉紅色與白色相疊嘅雲石紋理般 很漂亮味道酸酸甜甜 清新開胃 與黑加侖子味道相近 係一款感覺好健康好fresh嘅味道 豬小姐好喜歡計番$16一球 真係好抵食 襯仲

心思思行埋雪糕櫃一睇就出事喇！見有兩個新味黑朱古力杏仁同雲尼拿焦糖朱古力蛋糕黑朱古力味道超濃郁有少少苦味雲尼拿焦糖朱古力蛋糕因為入面有好多焦糖醬，所以甜好多鐘意朱古力味有杏仁粒咬，不過漏咗少少雲尼拿雖然太甜但有啲黏黏地嘅焦糖同蛋糕碎，食落好豐富兩款都有利有弊啦

週末逛 The One, 本身想飲杯咖啡，行過 Haagen Danz 時又想起有張現金卷未用，其實 Haagen Danz 都有出咖啡或其他飲品，但總是覺得來這裡當然要食雪糕才是。看看價錢牌，真的嚇一跳，好像加幅不少。試了幾款新口味，最後還是點了綠茶味，再加士多啤梨及合桃等 toppings。綠茶味濃不太甜，依然好味，不過士多啤梨酸了些。自問不是嗜甜一族，但偶爾口痕食雪糕確實不錯，不過價錢越來越貴，有現金卷再來吧。

早前喺Facebook見到用八達通買雙球雪糕有買一送一優惠，啱啱食完飯時間尚早，一於帶屋企人去食原來大家搞錯左日期， 去到Haagen-Dazs有唔少客人都以為31號仲有優惠，不過唔緊要啦，一場黎到照買雪糕！揀左3球雪糕丹麥筒選3球雪糕、1款醬、1種水果我揀左曲奇朱古力、Baileys、花蜜合桃味雪糕配朱古力醬、士多啤梨生果。曲奇朱古力比起一般嘅朱古力雪糕多咗一種脆脆嘅口感，baileys 雪糕好香亦唔會過甜，至於花蜜合桃味可以睇吓以下嘅介紹:新出左一款花蜜歐洲合桃雪糕， 賣相好吸引喎！不過我本身有自己鍾意嘅雪糕味道，所以我就係丹麥筒度揀咗其中一款係花蜜合桃雪糕。你款雪糕我食唔到花蜜味，反而係一貫嘅Haagen-Dazs雪糕奶香再加小小果仁香味，唔係唔好食不過比較普通。當晚已經接近關門嘅時間，仍然有少少客人坐低傾吓計食雪糕。雖然錯失左雪糕優惠，不過因為可以喺專門店買到平時超市買唔到嘅味道，同樣覺得好滿足嘅。

外面又熱又焗，入嚟飲番杯mocha，涼一涼，抖一抖先Cafe Belgian Mocha鐘意它係飲品之餘，仲有一小球雪糕，簡直一舉兩得，有得飲，有得食😁雪糕係朱古力，成杯嘢咖啡x朱古力，咖啡用上illy，側重咖啡濃度，加上比利時朱古力，好正，香濃但唔太甜！其實除咗雪糕，都有唔少嘢飲選擇，下次又可以試下其他

今日約左朋友係 the one 戲院睇戲 ~~ 梗係黎個下午茶 ~~ 有 cash coupon 係手係唔同d，可以豪少少 ~~ 哈哈 !!本來選另一個款...但因為11個球就真係...食唔哂 !! 最後選左 3個球補少少錢算 !! 最後選左 青檸雪芭 / 士多啤梨 / 比利時朱古力 / 綠茶 ~~ 青檸夏天食都真係好爽 ~~ 但...味道太甜我覺得 !! 綠茶味唔夠濃 !! 奶味太重 ~~ 士多啤梨同朱古力都仲係我最愛 !! 士多啤梨味好真實 ~~ 仲有果肉 !! 朱古力有好很朱古力碎 ~~ 仲好濃 !! 超正 ~~ 窩夫唔夠脆 !! 配送既士多啤梨太酸 ~~ 但係配雪糕都 ok 既 ~~