里木

Open Now

Now Closed

嗰日經過尖沙咀，發現一家餐廳大排長龍，就帶住好奇心去嗰邊睇一下餐單，原來係一家食Omakase嘅餐廳，反正我未食過Omakase，就決定喺呢度食晚餐。由於我一個人食，唔需要等好耐就可以入座。我點咗夏の海膽奢華體驗，食物種類繁多，每款都係真材實料，真心推介。 前菜有日本牡蠣同魚子醬一罐，牡蠣味道十分濃郁，鮮甜有勁，一食就上癮。魚子醬顆粒粒粒飽滿，食起嚟一啲都唔鹹唔腥，口感非常細膩，擁有豐富嘅層次感。 刺身有愛知縣白象拔蚌同北海道立貝配沖繩水雲，白象拔蚌嘅味道清甜脆，無需任何調味料，鮮味十足。北海道立貝清甜好滋味，肉身厚實，口感豐富，再食沖繩水雲以清洗口腔。 之後食咗燒物炭燒帆立貝海膽漢堡，非常神奇嘅漢堡，漢堡入面佈滿咗海膽，味道濃郁，口感細膩，散發住令人陶醉嘅香氣。之後飲咗松葉蟹雞湯配海膽，湯底味道清鮮透亮，雞鮮味十足，配上松葉蟹肉同海膽，成個口感層次更上一層樓。 之後仲有壽司同和牛海膽熱狗同岩手縣石垣貝壽司，A4和牛肉質鮮嫩多汁，石垣貝壽司相當鮮甜，非常爽口，作為結尾簡直完美無瑕。