Video
Read full review
2021-09-17
20 views
今日同朋友過咗嚟呢度食日本嘢！呢間餐廳係我朋友介紹，話好好食，所以一於就過嚟試下，睇吓朋友有冇介紹錯。我同朋友今次主要過嚟食串燒同天婦羅，佢個炸蝦天婦羅真係冇得輸，好薄粉，同埋蝦肉好彈牙，好正！加埋蘿蔔蓉落個汁，超級夾呀！串燒方面，我覺得燒帶子好出色，佢燒到啲肉汁流晒喺裏面，一啲都唔乾，同埋真味好鮮，勁贊！而雞軟骨更加冇得輸，脆卜卜，食落去粒粒都有軟骨，好有咬口。而豬髀仔仲正，一咬落去，骨同肉係分開，唔會好痴骨，加埋佢嘅醬汁好好食呀！牛舌極度推薦，佢係厚切牛舌，比起出面更加有口感，咬落去肉汁豐富，我仲特登叫多咗一客自己食！極度推介！
今日同朋友過咗嚟呢度食日本嘢！
呢間餐廳係我朋友介紹，話好好食，所以一於就過嚟試下，睇吓朋友有冇介紹錯。
我同朋友今次主要過嚟食串燒同天婦羅，佢個炸蝦天婦羅真係冇得輸，好薄粉，同埋蝦肉好彈牙，好正！加埋蘿蔔蓉落個汁，超級夾呀！
串燒方面，我覺得燒帶子好出色，佢燒到啲肉汁流晒喺裏面，一啲都唔乾，同埋真味好鮮，勁贊！
而雞軟骨更加冇得輸，脆卜卜，食落去粒粒都有軟骨，好有咬口。
而豬髀仔仲正，一咬落去，骨同肉係分開，唔會好痴骨，加埋佢嘅醬汁好好食呀！
牛舌極度推薦，佢係厚切牛舌，比起出面更加有口感，咬落去肉汁豐富，我仲特登叫多咗一客自己食！極度推介！
Post