蟹點

Open Now

Now Closed

老公生日陪佢去完海洋公園，梗係同佢食餐好嘢慶祝，老公最鍾意食海鮮，一於試吓朋友推介既蟹點。餐廳位於海怡半島站附近，由海洋公園去都好近，海怡半島站一出上樓梯就到餐廳，一入餐廳，就見到一個好巨型嘅魚缸，餐廳以藍色海洋為主題，地方闊落，而且坐得好舒服，侍應很殷勤為我哋推介菜式。咖喱蟹率先送上，朋友之前已經推介我一定要試吓呢度嘅咖喱蟹，果然冇介紹錯，呢隻蟹勁大隻而且好多肉，應該係肉蟹，蟹肉勁厚而且鮮甜多汁，配上超香濃嘅咖喱汁勁正。我們仲點了薄餅，外脆內軟，配上充滿蟹肉鮮味嘅咖喱汁一齊食好正😊之後到蟹點小炒王，係餐廳嘅招牌菜式，裏面有魷魚、韭菜、蝦乾、仲有腰果，韭菜爽口，魷魚同埋蝦乾都好鮮味，配埋香脆嘅腰果送飯一流👍🏻最後到農家雞湯雜菜煲，估唔到咁大煲，除了菜之外仲有雲耳茶樹菇秀珍菇同埋粉絲，蔬菜爽甜，而且吸收晒雞湯嘅鮮味，配埋粉絲一齊食好正👍🏻青柑桔柚子梳打都好正，青柑桔夠晒潤喉而且好香柚子味，配埋梳打水好清新👍🏻餐廳食物多元化而且味道一流，除咗中菜仲有泰菜，而且仲有好多優惠套餐可以選擇，自攜海鮮加工既價錢都好經濟，下次可約多啲朋友再嚟試吓其他菜式😬