海街丼 (海濱匯)

Open Now

Now Closed

觀塘收工之後，我就去咗附近嘅海濱匯嗰度搵返餐飯食，依間日式料理店真係唔錯，佢嘅嘢食都好好味。我就叫咗個和牛土手煮定食，會包含一個麵豉湯，沙律，前菜同飯。佢嘅牛肉好軟腍，個汁都好正，好適合撈飯，而且佢仲有唔少蒟蒻喺底下。然後仲可以加少少錢加配一個甜品同埋特飲。今日嘅甜品係抹茶芝士蛋糕甜而不膩非常好食，而且細細份份量啱啱好飲，我就揀咗菠蘿可爾必思，味道都OK 。除咗個定食之外，我仲叫咗一個刺身兩點，佢每日嘅刺身都有少少唔同，好彩今日有帶子，佢嘅帶子好好食，非常之新鮮。