Video
Read full review
2019-07-22
261 views
之前一直想食樓上餐廳，但次次都俾下面美食站吸引，其實重點係上面啲嘢一定要有枱先食到，人太多好難搵位，今次決心要食，仲剛好做小龍蝦派對。龍蝦仔濃湯，小龍蝦派對自然要食返啲小龍蝦應吓節，味道夠濃，充滿小龍蝦頭嘅味道，仲帶有小龍蝦肉粒。小食拼盤-新，美食站基本小食加粟米，健康啲。有個新字，舊款唔知係點？價錢同下面差唔多，質素都係，雞翼太乾之前下面都試過，但今次乾得有啲過份。燒特級西冷配牛肝菌汁，全熟西冷，但唔硬，連邊位脂肪都好軟熟，第一次食扒可以連脂肪食！有肉味，醬汁同佢感覺太接近，做唔到提味。配菜新鮮，炸薯球入面係純薯蓉，食時已經唔脆，純粹比食薯蓉方便同多個口感。香烤三文魚柳伴薯蓉，望落似煮多過烤，肉質滑，有魚香，似用低温煮，醬汁香濃帶芝士味，唔錯！但配梗大份薯蓉唔太夠汁。三重芝士焗小龍蝦扭紋通心粉，又一精選款，食唔出有三重芝士，焗得幾乾，中間只有一次仲有拉絲，蕃茄仔同小龍蝦都幾多，成份都係鮮蕃茄味，唔係用茄醬，幾抵食，只係每碟配菜都已經有蕃茄仔，依度再嚟成碟，就算依度焗到半熟味道有啲分別，都感覺唔想食，太多了！白桃新地筒，對佢嘅芝士蛋糕無興趣，落去先食甜品，今期白桃叫不過不失，無上期柚子
之前一直想食樓上餐廳，但次次都俾下面美食站吸引，其實重點係上面啲嘢一定要有枱先食到，人太多好難搵位，今次決心要食，仲剛好做小龍蝦派對。
龍蝦仔濃湯，小龍蝦派對自然要食返啲小龍蝦應吓節，味道夠濃，充滿小龍蝦頭嘅味道，仲帶有小龍蝦肉粒。
小食拼盤-新，美食站基本小食加粟米，健康啲。有個新字，舊款唔知係點？價錢同下面差唔多，質素都係，雞翼太乾之前下面都試過，但今次乾得有啲過份。
燒特級西冷配牛肝菌汁，全熟西冷，但唔硬，連邊位脂肪都好軟熟，第一次食扒可以連脂肪食！有肉味，醬汁同佢感覺太接近，做唔到提味。配菜新鮮，炸薯球入面係純薯蓉，食時已經唔脆，純粹比食薯蓉方便同多個口感。
香烤三文魚柳伴薯蓉，望落似煮多過烤，肉質滑，有魚香，似用低温煮，醬汁香濃帶芝士味，唔錯！但配梗大份薯蓉唔太夠汁。
三重芝士焗小龍蝦扭紋通心粉，又一精選款，食唔出有三重芝士，焗得幾乾，中間只有一次仲有拉絲，蕃茄仔同小龍蝦都幾多，成份都係鮮蕃茄味，唔係用茄醬，幾抵食，只係每碟配菜都已經有蕃茄仔，依度再嚟成碟，就算依度焗到半熟味道有啲分別，都感覺唔想食，太多了！
白桃新地筒，對佢嘅芝士蛋糕無興趣，落去先食甜品，今期白桃叫不過不失，無上期柚子味梗過，但都係罐頭味，只係味道淡淡地更易入口，中間仲有小塊冰，又無奶味，依個價其實唔值。精選款樓上三款，樓下兩款，小龍蝦柑橘沙律見佢菜係好多，但小龍蝦好似得幾隻唔太值；香草燒小龍蝦唔認為會燒得幾脆，性價比唔高。美食站嘅小龍蝦芝士撻都想試，另外餐廳有個芝士薄餅好似都幾好食，只係真係食唔到梗多，小龍蝦派對做到15/8，要食小龍蝦就快啦！
Post
