牛県

Open Now

Now Closed

實力派石燒牛店@荃灣依間牛扒專門店價錢貼地，有唔同部位嘅牛肉，有哂圖咁介紹詳細。Upgrade 做套餐之後，喺飯、薯條、湯、沙律同飲品中五揀三。沙律爽甜新鮮，至於燉牛清湯都幾香牛肉味，好飲喎。喺橫隔膜中間切出嚟嘅 Hanger Steak 非常珍貴，每隻牛只得一塊！依個位嘅肉味濃郁，牛味好重，而且肉質 tender。牛肉原本係得一成熟，依照自己喜好，透過石板熱力再燒熟。燒嗰陣石板滋滋聲，有得食又好玩～牛側腹扒係長條狀，喺牛胸同牛腹之間嘅。依個部位肉味都出，油香仲比較 Hanger Steak 豐富。香得嚟油脂唔會過多，切開可以見到有好多肉汁，肉質軟腍。選咗兩款特製醬汁，無論係紅酒牛肉汁定係阿根廷青醬都好夾。薯條係遲啲先上嘅，因為係新鮮滾熱辣整㗎，粗厚嘅薯條唔止脆，而且真係有薯仔味呢。羽下牛扒係 Today’s Special 嘅特別部位，係牛肩胛中嘅嫩肉。佢嘅油花分佈均勻，好似羽毛咁散落喺牛肉之中。依件羽下牛扒集合哂三大特點，首先油脂香好豐潤，其次係肉質軟嫩，最後就係濃濃嘅牛味！侍應幫我換咗塊新石板燒牛扒，確保品嚐到羽下牛扒嘅原味原汁，服務專業。