Video
Read full review
2021-06-05
1536 views
身爲客家人既我，居然從來都未試過出去食客家菜。難得過黎長沙灣，經過呢間叫客家人既客家菜館，就食埋飯先走。趁午市未完食個早啲又平啲嘅晚餐先。午市做好多款套餐，又有各式炒粉麵飯，西式扒餐飯，常餐，特餐，秘製湯飯皇，小炒餐，蒸煮餐，有啲似茶餐廳，不過多啲蒸炒選擇。午市套餐小炒類 $60今餐想食多啲菜，所以揀左呢個午市套餐小炒類。可以喺十三款肉同十八款菜隨意配搭各一，好有彈性。包住家靚湯，白飯同熱飲。轉凍飲或汽水加$3。我哋揀左通菜同鮮牛肉。住家靚湯（跟餐）先黎兩碗住家靚湯。真係勁住家feel，係蓮藕紅蘿蔔煲豬骨，足料之餘味道好清又冇味精，正!通菜炒鮮牛肉鮮牛肉有六塊，加埋唔少通菜，冬菇，秀珍菇，西芹同少少辣椒加蒜蓉一齊炒，味道好夠，唔算太油，如果啲牛肉片嫩啲就更好啦。跟餐嗰碗白飯成座山咁。西式紅酒燴牛尾 $68見到呢個午市推廣嘅廚師推介，即刻叫黎試試先。西式紅酒燴牛尾超大兜，有六舊牛尾，好有咬口，骨膠原重，唔係炆到好腍嗰啲，要咬，但係好多肉同筋食，味道方面非常重紅酒味。其他配料有勁多稔甜紅蘿蔔，青紅燈籠椒，洋蔥，蔬菜量好豐富。個汁同牛尾一樣，都係極重紅酒味。跟西式紅酒燴牛尾有一大碟白飯。天氣
午市套餐小炒類 $60
今餐想食多啲菜，所以揀左呢個午市套餐小炒類。可以喺十三款肉同十八款菜隨意配搭各一，好有彈性。包住家靚湯，白飯同熱飲。轉凍飲或汽水加$3。我哋揀左通菜同鮮牛肉。
住家靚湯（跟餐）
26 views
0 likes
0 comments
住家靚湯（跟餐）
先黎兩碗住家靚湯。真係勁住家feel，係蓮藕紅蘿蔔煲豬骨，足料之餘味道好清又冇味精，正!
通菜炒鮮牛肉
鮮牛肉有六塊，加埋唔少通菜，冬菇，秀珍菇，西芹同少少辣椒加蒜蓉一齊炒，味道好夠，唔算太油，如果啲牛肉片嫩啲就更好啦。
跟餐嗰碗白飯成座山咁。
西式紅酒燴牛尾 $68
見到呢個午市推廣嘅廚師推介，即刻叫黎試試先。
西式紅酒燴牛尾超大兜，有六舊牛尾，好有咬口，骨膠原重，唔係炆到好腍嗰啲，要咬，但係好多肉同筋食，味道方面非常重紅酒味。其他配料有勁多稔甜紅蘿蔔，青紅燈籠椒，洋蔥，蔬菜量好豐富。個汁同牛尾一樣，都係極重紅酒味。跟西式紅酒燴牛尾有一大碟白飯。
天氣實在係太熱，見到兩杯季節冰特飲又忍唔住一人一杯升級。
紅豆涼粉冰 跟餐加$12
紅豆涼粉冰下底一大pat紅豆蓉，配唔甜嘅梛奶好夾，用粗身飲管都飲到紅豆蓉。涼粉份量好多，我第一次食涼粉配紅豆呢個組合，都ok喎。
紅豆菠蘿冰 跟餐加$12
紅豆菠蘿冰好大杯。杯底好多菠蘿粒，上面一大pat紅豆蓉同碎冰，好多野食。而糖水唔會過甜。雖然菠蘿同紅豆感覺唔多夾，不過清甜嘅菠蘿令成杯野飲冇咁滯。
啲餸好住家feel，感覺算健康。餐廳好大，座位舒適，枱同枱之間幾闊落，令人食得安心。
Post
