Video
Read full review
2021-10-14
24 views
尖沙咀新開隱世日式居酒屋！宮崎A4和牛串燒超級多肉汁，好好食！ 🥰🥰 雖然唔平，但我下次一定會嗌返。入口嘅一刻我雙眼發光，即刻同朋友講咗句：「係日本嘅味道呀！！！」牛舌大根，一上枱就聞到好香！大根勁腍無筋好似入口即溶咁，牛香滲晒晒喺大根裡面 ❤️特上刺身拼盤擺盤好靚好啱鍾意影相，味道全部都唔錯，朋友話佢最鍾意牡丹蝦同拖羅，我就鍾意左口，配埋鮮甜嘅wasabi一齊食😋串燒拼盤 （6串）6款中最好食係雞翼，整體唔算好突出，加上我平時唔鍾意食雞肝，所以麻麻哋呢個拼盤。如果畀我嗌多次，我會唔嗌呢個拼盤換兩個布丁🙈 我覺得散叫嘅串燒好食過拼盤，建議大家嗌宮崎A4和牛、雞翼同燒蕃薯🍠三文魚、魚籽燒飯糰燒得幾好，外皮脆卜卜，好似煲仔飯焦咁，搽咗醬油燒所以食落係有味嘅，唔會太乾，可惜配料係擺出面，如果飯糰有餡會更加食。自家製雞蛋布丁我全晚最期待嘅畫面出現了，甜品控最抗拒唔到嘅一幕😚，第一眼反而係畀隻好靚好別緻嘅碟吸引。布丁食落係焦糖燉蛋嘅質感，我覺得同Contrast嗰個有啲似但呢個甜少少。$38蚊喺餐廳食好合理，之前食過某cafe個布丁又貴又唔好食🙃 (好可惜太飽食唔落豆奶布丁😭 早知嗌少樣嘢，好想
尖沙咀新開隱世日式居酒屋！
宮崎A4和牛串燒超級多肉汁，好好食！ 🥰🥰 雖然唔平，但我下次一定會嗌返。入口嘅一刻我雙眼發光，即刻同朋友講咗句：「係日本嘅味道呀！！！」
牛舌大根，一上枱就聞到好香！大根勁腍無筋好似入口即溶咁，牛香滲晒晒喺大根裡面 ❤️
特上刺身拼盤
擺盤好靚好啱鍾意影相，味道全部都唔錯，朋友話佢最鍾意牡丹蝦同拖羅，我就鍾意左口，配埋鮮甜嘅wasabi一齊食😋
串燒拼盤 （6串）
6款中最好食係雞翼，整體唔算好突出，加上我平時唔鍾意食雞肝，所以麻麻哋呢個拼盤。如果畀我嗌多次，我會唔嗌呢個拼盤換兩個布丁🙈 我覺得散叫嘅串燒好食過拼盤，建議大家嗌宮崎A4和牛、雞翼同燒蕃薯🍠
三文魚、魚籽燒飯糰
燒得幾好，外皮脆卜卜，好似煲仔飯焦咁，搽咗醬油燒所以食落係有味嘅，唔會太乾，可惜配料係擺出面，如果飯糰有餡會更加食。
自家製雞蛋布丁
我全晚最期待嘅畫面出現了，甜品控最抗拒唔到嘅一幕😚，第一眼反而係畀隻好靚好別緻嘅碟吸引。布丁食落係焦糖燉蛋嘅質感，我覺得同Contrast嗰個有啲似但呢個甜少少。$38蚊喺餐廳食好合理，之前食過某cafe個布丁又貴又唔好食🙃 (好可惜太飽食唔落豆奶布丁😭 早知嗌少樣嘢，好想試埋......)
最近都成日去尖沙咀食飯，呢間個環境都算令我幾深刻，因為每一枱都用木屏風隔開，私隱度高，同埋服務好好，會成日主動加茶。我平日晚去唔算好多人，所以好舒服，可以幻想吓去咗日本旅行🥺
Post
