Video
Read full review
2021-11-09
662 views
天氣一涼，各位邊爐精係咪已經紛紛出動！朋友為咗就港島區又夜放工嘅我，佢特登揀咗北角區嘅 #滾得囍宮廷火鍋小炒 ，一去到見到好大張龍椅，加埋深木色裝潢，相當中式。火鍋配料好多，牛、豬、雞、海鮮、蔬菜類等等，種類繁多。桌上有蔥、蒜、辣椒，可自由添加。◽️ 順治特色卜卜蜆鍋 $198火鍋湯底超多選擇，辣與唔辣、海鮮或雞、悉隨尊便，我哋選擇卜卜蜆。上桌先係騰雲駕霧，超打卡！湯底清甜，而且啲蜆食極都有，真係有成40-50粒，仲要粒粒都脹卜卜，爭食！◽️ 御前一品 手切牛肉拼盤 $528上桌視覺好震撼，一客有四款牛肉，包括：澳牛、日本和牛、本地牛、安格斯牛肉，分別牛味濃郁、油脂較香、肉質嫩滑等，份量都唔少，淥一淥就食得。◽️ 海鮮拼盤4人盛 $398海鮮控必點，有齊口感好爽嘅蟶子、爽口彈牙嘅鮮蝦、肉質厚身嘅帶子及鮮甜味美嘅蜆，樣樣都好好味，煮完海鮮之後個湯底仲加添一份海水鮮甜。◽️ 滾得囍宮廷拼盤10粒 $138基於係大人，所以揀個拼盤最適合，有五款共10粒，有黑松露野菌鮮蝦丸、手打珍珠帶子墨魚丸、手打紫甘藍豬肉丸、手打芝心牛肉丸、手打墨汁墨魚丸，我覺得黑松露野菌鮮蝦丸最好食，一咬有散發陣陣黑松露味，而且
桌上有蔥、蒜、辣椒，可自由添加。
順治特色卜卜蜆鍋
7 views
0 likes
0 comments
◽️ 順治特色卜卜蜆鍋 $198
火鍋湯底超多選擇，辣與唔辣、海鮮或雞、悉隨尊便，我哋選擇卜卜蜆。上桌先係騰雲駕霧，超打卡！湯底清甜，而且啲蜆食極都有，真係有成40-50粒，仲要粒粒都脹卜卜，爭食！
御前一品 手切牛肉拼盤
17 views
0 likes
0 comments
◽️ 御前一品 手切牛肉拼盤 $528
上桌視覺好震撼，一客有四款牛肉，包括：澳牛、日本和牛、本地牛、安格斯牛肉，分別牛味濃郁、油脂較香、肉質嫩滑等，份量都唔少，淥一淥就食得。
海鮮拼盤4人盛
21 views
0 likes
0 comments
◽️ 海鮮拼盤4人盛 $398
海鮮控必點，有齊口感好爽嘅蟶子、爽口彈牙嘅鮮蝦、肉質厚身嘅帶子及鮮甜味美嘅蜆，樣樣都好好味，煮完海鮮之後個湯底仲加添一份海水鮮甜。
◽️ 滾得囍宮廷拼盤10粒 $138
基於係大人，所以揀個拼盤最適合，有五款共10粒，有黑松露野菌鮮蝦丸、手打珍珠帶子墨魚丸、手打紫甘藍豬肉丸、手打芝心牛肉丸、手打墨汁墨魚丸，我覺得黑松露野菌鮮蝦丸最好食，一咬有散發陣陣黑松露味，而且兩款墨魚丸都好彈牙，推介心多多嘅大家。
◽️ 和牛芝士一口餃 $68/半份
四粒大大粒，肉味豐富又juicy，仲加咗一份芝士味。
足料竹蔗茅根
40 views
0 likes
0 comments
▪️ 足料竹蔗茅根 $68
好大壺竹蔗茅根，而且唔會太甜，清熱一流，同火鍋相當合拍。
要大讚這裡的員工服務同態度好好，仲會好主動加湯、收盤等等，連上足料竹蔗茅根時，都會先倒好三杯，服務大讚！
Post
