Grill ขนทอง (駱克駅)

Open Now

Now Closed

喺銅鑼灣剪完頭髮，見樓下有間泰式碳火串燒好似幾正，$20左右有一串，都大大串就絕對當做晚餐啤啤佢。叫咗杯生啤（$42）同埋檸檬蜂蜜啤（$45）配下串燒，個檸蜜蜂蜜啤都真喺蜂蜜味好強，每一啖都有啲蜜味回甘。前菜小食都叫咗個泰式酸辣鳳爪（$36）同泰式酸辣豬頸肉沙律（$75），喱兩度前菜嘅酸辣度真喺有啲辣，唔喺太食得辣嘅我，真喺覺得好刺激，不過鍾意食辣嘅話應該會覺得好興奮。另外同個frd叫咗個泰式串燒配炒飯雜菜（$75），串燒分別有豬，雞，牛，三款裡面豬同牛真喺好出色，牛肉燒得嚟好香又嫩滑，豬都估唔到喺咁軟身，肥瘦均勻，額外仲配咗個沙嗲醬，喱個醬真喺畫龍點精，靈魂所在，超好味。加多咗幾串串燒，有燒魷魚、燒菠蘿同燒雞皮。魷魚都大大條，味道好足夠，雞皮亦都脆脆的，最值得一提嘅喺燒菠蘿，菠蘿真喺超好味同超甜。對於我嚟講食完辣真喺解辣一流。