Video
Read full review
2019-11-13
174 views
今日晚餐唔係食咗好多，突然好想食宵夜。 咁梗係約返三五知己一齊去食嘢啦! 元朗原來又有新嘢食， 仲要係我摯愛嘅中菜，咁梗係試下先啦!地方簡單得嚟都比較闊落， 又有圓枱和卡位， 仲有埋電視睇添!小食叫咗個橋頭，唔係間間餐廳都有得食， 竟然呢就有得食，真係我嘅大愛椒鹽鮮魷和椒鹽九肚魚又點少得呢! 粉薄香脆， 炸到金黃色，都幾大碟， 送到嚟仲係熱辣辣嘅。豉椒炒花甲， 花甲大隻之餘仲比較肥美， 而且一啲沙都冇， 送到嚟香噴噴非常惹味。乾扁四季豆炒得夠淋身而且唔會太油，份量好足，再配少許辣椒， 送飯一流!黑椒牛仔骨， 平時自己係街買都貴， 反而喺度食同自己係街買嘅價錢差唔多。 黑椒味夠濃，牛肉夠嫩唔會過火口，非常滋味。豉汁蒸倉魚， 倉魚夠曬大條， 魚肉嫩滑鮮甜 ，豉油汁夠多， 味道非常夾!餐牌款式多梗有一款啱你心水
地方簡單得嚟都比較闊落， 又有圓枱和卡位， 仲有埋電視睇添!
小食叫咗個橋頭，唔係間間餐廳都有得食， 竟然呢就有得食，真係我嘅大愛
椒鹽鮮魷和椒鹽九肚魚又點少得呢! 粉薄香脆， 炸到金黃色，都幾大碟， 送到嚟仲係熱辣辣嘅。
豉椒炒花甲， 花甲大隻之餘仲比較肥美， 而且一啲沙都冇， 送到嚟香噴噴非常惹味。
乾扁四季豆炒得夠淋身而且唔會太油，份量好足，再配少許辣椒， 送飯一流!
黑椒牛仔骨， 平時自己係街買都貴， 反而喺度食同自己係街買嘅價錢差唔多。 黑椒味夠濃，牛肉夠嫩唔會過火口，非常滋味。
豉汁蒸倉魚， 倉魚夠曬大條， 魚肉嫩滑鮮甜 ，豉油汁夠多， 味道非常夾!
餐牌款式多梗有一款啱你心水
Post
