滋味軒

Open Now

Now Closed

今日想簡簡單單食吓小菜，去咗荃灣海之戀3樓嘅滋味軒。餐廳開咗冇幾耐，裝修好新淨整潔，座位舒適。茶介$10一位。前菜（免費）：四款唔同嘅醃菜。有甜、酸同辣嘅味道都有。味道令人感覺開胃。冰鎮南非鮑（$48@ x 2): 好香玫瑰露味。南非鮑腍滑。用冰鎮嘅做法更加適合夏天食。脆皮咕嚕蝦球（$88小份）：中size嘅蝦球。經過油炸後，外面脆身，咬落彈牙乾煸鮑魚雞（$108小份）：原煲渣渣聲咁上枱。呢款鮑魚係比較有咬口既。雞件油泡後肉質嫩滑。味道惹味。鍾意佢呢間可以有大份同小份選擇。就算我哋得兩個人，都可以叫多啲款式嚟食呀嘛。