GO熊小館 (俊和商業中心) (Closed)

之前去過薄扶林道嗰間街坊牛肉麵小店「GO熊小館」買外賣，最近路經永和街，發現餐廳喺街內開咗間新店，咁當然要嚟幫襯下。選了週末到訪，街上行人不多，店舖屬典型的小館格局，地方不大，只有約三十餘個座位，裝潢簡約，但坐得十分舒適。餐牌很簡單，只有麵餐和飯餐兩大類，全部套餐都會配指定飲品一杯，另外亦可以加錢轉特飲及跟餐小食。香酥排骨蔥油拌麵 ($62) 排骨即叫即炸，上檯時仍熱氣騰騰，外層非常酥脆，咬下去仲滲出肉汁，絕不乾柴，吃起來不油不膩，感覺比較健康！麵條彈性十足，粗身帶嚼勁，配肉碎、蔥花和青瓜絲一起吃，清爽又美味。滷肉飯可以話係台灣人嘅 Comfort Food，材料雖然好簡單，但講究心機，呢度嘅台式滷肉飯 ($52) 亦做得頗不錯。滷肉肥瘦平均，醬油豉味突出，而滷汁亦甜味到位，夠晒滋味。小食點咗炸豆腐 ($22) 同 酥炸花枝丸 ($12)，豆腐炸至金黃香口，面頭加咗青瓜絲同甜酸醬，入口外脆內軟滑。花枝丸水準亦唔錯，夠彈牙又有墨魚粒。跟餐飲品點咗冬瓜茶同台灣奶茶，冬瓜茶清甜解渴、清熱消暑，而奶茶飲落亦順滑不苦澀。