不忘 (Closed)

聽朋友講尖沙咀韓國街有間食即蒸腸粉，咁岩經過就入去試下。舖頭比較細，最多坐到八個人到，比較適合外賣或者自私食，每枱都有酒精搓手液都幾貼心。叫左輕怡套餐（$50），有兩餸腸粉（香蔥肥牛、薑蓉豬潤）+水餃4隻（雲耳椰菜）。睇介紹話呢間主打雲浮石磨腸粉，因為係即整，大概等左十分鐘左右就上枱，腸粉皮熱辣辣又滑又薄，肥牛同豬潤都幾足料，加甜豉油都好食；至於雞湯手工雲耳椰菜豬肉餃，好彩淨叫四隻，大大隻仲要餡料足，雲耳椰菜爽口，十足屋企包果種手工餃子，都幾抵食。