美味廚 (Closed)

我好鍾意食上海野，特別係生煎包、小籠包、炒年糕之類，不過香港上海野多係連鎖式大集團，得一個人食就好難叫，今日黎尖TST呢邊開會，見到呢間話係食上海菜既美味廚，有Lunch set，一於就試下啦。見到主打既都係家庭式小菜，但係有餸有飯有小菜/豆漿，1 Set $57，唔可以話平，但至少食得飽。我就叫左個排骨擔擔麵拚拌粉皮，粉皮晶瑩剔透呈米白色，上面鋪墊了青瓜絲，同淋左一層麻醬，其實係咪麻醬都唔知，因為好重花生醬味，有D似稀釋左既花生醬，都幾香，但食得多會漏。擔擔麵一碗好邪惡，湯底好濃郁，就好似拌粉皮既醬汁再加辣一樣，甜中帶有堅果香味，好香，好重口味。有花生碎、芝麻、豌豆尖、蔥花鋪面，色彩繽紛。麵係淡黃色應該加左雞蛋去搓，入口冇鹼水味，麵身較幼，好爽口有彈性，麵可以掛到湯，所以帶入口都好香麻醬味。上海將豬扒叫做排骨，炸排骨香酥金黃，色澤油亮，切開都有5大件，成塊同一個成年男性既手掌差唔多大。叫就叫排骨但唔係好多骨，肉唔係好厚但勝在粉漿都好薄身，唔會話咬落去就係食緊麵粉，略油膩但可以接受。整體而言，味道OK，有種似品嚐緊一個上海家庭主婦既手藝既感覺。不過食物略油膩，不過可能係因為擔擔麵本身就