海東軒

Open Now

Now Closed

原本一行五人想去熟食市場食晚飯，但同行有大有細，真係唔多方面 唯有轉戰酒樓啦！第一次幫襯海東軒，佢同一般街坊酒樓一樣做街坊生意，所以有套餐，價錢大眾化，而且碟頭足！今次竟然又有驚喜喎！街坊酒樓嘅特色之一係有孖寶套餐，芝士大蝦伊麵拼上湯浸時菜，芝士大蝦啲芝士汁香濃味美而且多到滿瀉咁滯，芝士控最愛椒盬鮮魷唔知點解唔熱，唔通一早整定？？味道方面係唔似坊間一味死鹹，魷魚係新鮮貨，食得出彈牙鮮味！啫啫雞煲 - 新鮮滾熱辣，打開煲蓋真係香氣撲鼻，味道鹹中帶辣，雞件吸盡醬汁，蔥頭，南乳味道，難得嘅係雞肉仍然滑嫰多汁 木桶三蝦炒飯 - 正確嚟講應該係木盆至啱，所謂三蝦即係蝦醬、蝦乾、鮮蝦炒飯，用足靚料，點會唔好食呢？木盆飯量驚人起碼有十碗仔飯！服務啲姐親切有禮，值得一讚！