Video
Read full review
2016-12-12
398 views
家姐番教會經朋友介紹得知有呢間私房菜，於是我就上openrice 睇下，見到裝潢好特別，好有家既感覺，就book左枱一家人去試下。距離地鐵站大概行四分鐘左右，去到門口已經見到綠油油既牆身上有「DREAMIX廚」，需要按門鈴等待開門，私隱度極高！入到去我對眼不停周圍望，因為裏面既所以擺設都有好心思，牆上掛滿唔同既裝飾，仲有一個開放式既廚房，簡直好似番左屋企咁。就連餐具都特別可愛，而且負責人話一晚只會做四枱客，為左盡力做好食物既質素。坐底左之後就拎左一壺菊花茶俾我地，等我地可以等上菜既同時嘆啖茶，個人黎講比較中意飲菊花茶，而佢地既菊花茶真係比我系其他地方飲既好飲好多，因為菊花茶嘅味道好香好清甜，唔會沖到淡晒。第一道菜係冰鎮花膠，花膠面放上黑松露再拌底層既青瓜一齊食，清甜爽口得黎仲有黑松露既香味，中意食辣既推薦佢地自家制既辣油，夠辣又夠香！第二道係淮山杞子響螺雞湯，見到盤湯料就知道落足料去煲，湯既味道好清甜，完全係家的味道～而且份量多，六個人飲完再添完都仲有！第三道係Dreamix雙喜，雙喜係指炸蠔同炸蟹磚。炸蠔既外層非常鬆脆咸香，咬落去裏面嘅汁泌出黎，鮮味十足，完全唔會乾爭爭。而炸蟹磚就係
距離地鐵站大概行四分鐘左右，去到門口已經見到綠油油既牆身上有「DREAMIX廚」，需要按門鈴等待開門，私隱度極高！
入到去我對眼不停周圍望，因為裏面既所以擺設都有好心思，牆上掛滿唔同既裝飾，仲有一個開放式既廚房，簡直好似番左屋企咁。就連餐具都特別可愛，而且負責人話一晚只會做四枱客，為左盡力做好食物既質素。
坐底左之後就拎左一壺菊花茶俾我地，等我地可以等上菜既同時嘆啖茶，個人黎講比較中意飲菊花茶，而佢地既菊花茶真係比我系其他地方飲既好飲好多，因為菊花茶嘅味道好香好清甜，唔會沖到淡晒。
第一道菜係冰鎮花膠，花膠面放上黑松露再拌底層既青瓜一齊食，清甜爽口得黎仲有黑松露既香味，中意食辣既推薦佢地自家制既辣油，夠辣又夠香！
第二道係淮山杞子響螺雞湯，見到盤湯料就知道落足料去煲，湯既味道好清甜，完全係家的味道～而且份量多，六個人飲完再添完都仲有！
第三道係Dreamix雙喜，雙喜係指炸蠔同炸蟹磚。炸蠔既外層非常鬆脆咸香，咬落去裏面嘅汁泌出黎，鮮味十足，完全唔會乾爭爭。而炸蟹磚就係由蟹肉、蟹子同埋蛋混合埋一齊，咬落質感獨特，味道唔會好咸，蟹味濃。
第四道係昌媽媽炆豬肉，係其中一位負責人既家常菜，仲因為要搵到靚嘅豬肉，特登系土瓜灣嗰邊買啲豬肉過嚟，豬肉肥瘦啱啱好，食落去好有質感，另外佢嘅汁非常濃郁，所以可以配饅頭一齊食，我哋係咁點啲汁來食，真係好好味。
第五道係蟲草花上湯浸時菜，菜心平時成日食，但係佢地既菜心非常清甜，因為佢哋嘅菜心夠新鮮，另外因佢哋唔會煮得太同埋用上湯一齊去煮特別鮮甜。
第六道係糯米鴨，糯米雞就食得多糯米鴨真係第一次食，一大隻鴨裏面填滿晒蝦米、糯米、栗子等等嘅材料，熱辣辣！鴨肉好淋，糯米索晒其他材料既香味，而且口感軟熟。
第七道係百花蜜脆鱔，巧妙運用百花蜜去烹調，再將鱔炸至金黃色，香甜得黎又脆，而且鱔既肉質好爽。
第八道係葉婆婆冬瓜，係其中一位負責人細個果陣婆婆做過既，冬瓜味道非常鮮甜，因為佢地將蝦米整成碎，放系冬瓜上面，再將金華火腿放系冬瓜中間，提升到成個味道！
食完負責人邀請我地影番張大合照，原來牆上掛既相係一直以來咁多位食客既留影，另外仲會送一張俾我地留念，感覺好warm!!!
Post
