Video
Read full review
2010-11-03
11 views
上星期六師傅同好友食家"乜都放入窿"散左會後, 本來就要分道揚鑣, 皆因好友食家"乜都放入窿"要去靚仔正哥家中作客; 而靚仔正哥就分吩咐好友食家"乜都放入窿"要幫佢買game, 聽到買game師傅決定陪好友食家"乜都放入窿"走一轉先!去到旺角行完信和, 好友食家"乜都放入窿"就提議食少少野, 師傅就好鬼好奇地問: “唔係一陣要食大閘蟹咩?” 點知好友食家"乜都放入窿"答: “有排都未有得食住, 最快都要晚上十一點先有得食, 所以食少少打定底都冇壞!” 師傅聽到好友食家"乜都放入窿"咁講, 當然讚成啦, 至於食店亦由好友食家"乜都放入窿"發板, 最後就帶師傅黎左呢間食店!呢間食店主打係食熱狗, 入到去見到人影都唔多, 莫非個個去晒應節, 扮鬼扮馬所以連食都唔得閒? 但對於師傅黎講反而仲好, 人少少又靜靜地, 直頭好似自己屋企, 於是坐底後慢慢睇下有咩食, 而嗰種速度真係可以用hae黎形容; 睇左好多個餐好多款熱狗都好吸引, 不過款款都廿蚊過外; 突然間好友食家"乜都放入窿"發現左呢個餐, 而呢個餐只賣十八蚊, 於是問下位姐姐而家仲有冇得食? 結果係有, 就二話不說去柯打左兩客美式熱狗配兩
去到旺角行完信和, 好友食家"乜都放入窿"就提議食少少野, 師傅就好鬼好奇地問: “唔係一陣要食大閘蟹咩?” 點知好友食家"乜都放入窿"答: “有排都未有得食住, 最快都要晚上十一點先有得食, 所以食少少打定底都冇壞!” 師傅聽到好友食家"乜都放入窿"咁講, 當然讚成啦, 至於食店亦由好友食家"乜都放入窿"發板, 最後就帶師傅黎左呢間食店!
呢間食店主打係食熱狗, 入到去見到人影都唔多, 莫非個個去晒應節, 扮鬼扮馬所以連食都唔得閒? 但對於師傅黎講反而仲好, 人少少又靜靜地, 直頭好似自己屋企, 於是坐底後慢慢睇下有咩食, 而嗰種速度真係可以用hae黎形容; 睇左好多個餐好多款熱狗都好吸引, 不過款款都廿蚊過外; 突然間好友食家"乜都放入窿"發現左呢個餐, 而呢個餐只賣十八蚊, 於是問下位姐姐而家仲有冇得食? 結果係有, 就二話不說去柯打左兩客美式熱狗配兩杯汽水!
買完飛後坐底又等等, 師傅發覺店內環境係相當光猛舒服, 而食店內亦有背景音樂, 真的十分柔和寫意; 轉眼間就聽到叫冧巴, 於是師傅就去捧餐; 雖然捧餐唔係師傅鍾意, 但咁寫意嘅環境下捧餐師傅都係第一次! 美式熱狗都幾大隻, 賣相十分吸引, 熱狗內配上蕃茄, 青瓜同脆皮腸, 加埋茄汁同芥辣, 絕不馬虎, 睇得出係好有心機整! 師傅當然急不及待要試啦, 一放入口包身夠熱, 外層微脆但內裡鬆軟, 呢種包師傅就最鍾意食, 皆因唔硬同唔實, 絕對係超正; 而脆皮腸都好長身, 仲長過個包, 入口香脆配上青瓜爽口, 蕃茄新鮮, 成隻熱狗真係非常之好味! 至於汽水就冇咩好講, 純粹解渴!
總括黎講熱狗水準非常出色, 環境舒服, 服務友善, 價錢相宜, 師傅咁樣食都係十八蚊, 如果揀其他餐仲會多份薯條添! 師傅覺得呢隻熱狗個 “晒屎” 仲大隻過老麥嘅板燒雞腿包, 而價錢又抵, 雖然不能同一而喻, 但如果有得揀師傅寧願黎呢度慢慢咁嘆番隻熱狗, 除左抵食之外, 最重要係比師傅有一個家的感覺, 忙碌嘅旺角裡有個咁寧靜舒服嘅地方, 所以呢間食店係絕對值得推介! 是之笑臉絕對走唔甩, 而師傅呢一刻已經心思思想去下一次, 所以好肯定一定會再黎! 好友食家"乜都放入窿"果然冇介紹錯!
Post
