大麥牛肉麵 (Closed)

有日行經西環個頭，周圍行下有咩好食，見到呢間環境好似幾舒服就入左去試喇。入到去，睇左陣餐牌有咩好食，個姐姐就行左過黎好細心咁介紹我地有咩必試。今日唔太肚餓，又想試下其他小食，所以就決定叫個牛肉麵同埋豆腐，再加多杯酸梅湯！（費是叫飯啦一食就飽晒🤣）唔好睇佢細細碗，其實好足料！有蛋有肉有菜，食完真係飽左九成。個湯底好濃，但又唔會太咸，唔似有落味精，都可以飲埋😋豆腐係用百福豆腐，有啲皮蛋拌碟，佢有啲肉鬆加左喺頂，都唔錯，清得黎有啲味。酸梅湯冇乜特別，落左少少桂花喺杯野度，係影相靚啲🤣薄荷味唔太出，但總好過似汽水/檸檬茶嘅。