Video
Read full review
2023-03-04
312 views
蒲開中上環嘅我，每次經過荷李活道都會見到間綠油油嘅泰菜😎。每次做嘢或者飲完酒經過，都會有種衝動想入去試吓呢間嘢究竟係咩料。終於，我排除萬難約到兩位前同事一齊窺探呢間泰國ISAN（東北伊善地區）口味嘅泰菜🥹🥹。🍴炭燒豬頸肉 168 🌟 🌟🌟🌟🌟兩個字可以概括呢道菜 – 好正😃！炭火味濃，豬頸肉邊邊烤至脆香，肉質嫩滑，一口咬落已經感受到豬頸肉個種甘腴豐溢🤤。唔需要蘸佢嗰個秘製辣汁，齋食佢個肉都已經非常好味。但當然，佢個秘製辣汁係出色嘅😬，酸酸甜甜唔係太辣，羅望子味道非常突出，係香港人熟悉嘅泰國味道！🍴泰北風味冬蔭功雞湯 148 🌟🌟🌟🌟係我媽媽煮嘅味道啊！🥹泰北嘅冬蔭功湯有別於香港人對冬蔭功既有嘅紅紅黃黃形象🥘；相反，泰北嘅冬蔭功湯湯底較清，主要係佢無落到椰奶同辣椒膏🌶️。雖然色水唔似一般嘅冬蔭功湯，但味道絕對相同。呢個清冬蔭功雞湯，我勁鍾意佢落好多草菇同金不換，味道濃郁惹味😝，酸酸辣辣，辣味絕對唔兒戲，係會令人食上癮嘅酸辣味 ，正啊！👍🏻扣分位：我都係鍾意傳統紅紅黃黃，放大頭蝦個種口味濃厚複雜嘅冬蔭功湯多啲🫣🍴蒜香辣椒炒軟殼蟹148 🌟🌟🌟🌟🥵辣，真係好辣。我自問都食得下辣，但呢味辣椒炒軟
🍴炭燒豬頸肉 168 🌟 🌟🌟🌟🌟
炭燒豬頸肉
$168
8 views
0 likes
0 comments
兩個字可以概括呢道菜 – 好正😃！炭火味濃，豬頸肉邊邊烤至脆香，肉質嫩滑，一口咬落已經感受到豬頸肉個種甘腴豐溢🤤。唔需要蘸佢嗰個秘製辣汁，齋食佢個肉都已經非常好味。但當然，佢個秘製辣汁係出色嘅😬，酸酸甜甜唔係太辣，羅望子味道非常突出，係香港人熟悉嘅泰國味道！
🍴泰北風味冬蔭功雞湯 148 🌟🌟🌟🌟
泰北風味冬蔭功雞湯
$148
10 views
0 likes
0 comments
係我媽媽煮嘅味道啊！🥹泰北嘅冬蔭功湯有別於香港人對冬蔭功既有嘅紅紅黃黃形象🥘；相反，泰北嘅冬蔭功湯湯底較清，主要係佢無落到椰奶同辣椒膏🌶️。雖然色水唔似一般嘅冬蔭功湯，但味道絕對相同。呢個清冬蔭功雞湯，我勁鍾意佢落好多草菇同金不換，味道濃郁惹味😝，酸酸辣辣，辣味絕對唔兒戲，係會令人食上癮嘅酸辣味 ，正啊！👍🏻
扣分位：我都係鍾意傳統紅紅黃黃，放大頭蝦個種口味濃厚複雜嘅冬蔭功湯多啲🫣
🍴蒜香辣椒炒軟殼蟹148 🌟🌟🌟🌟
蒜香辣椒炒軟殼蟹
$148
18 views
0 likes
0 comments
🥵辣，真係好辣。我自問都食得下辣，但呢味辣椒炒軟殼蟹真係辣到要不斷灌凍水🥶。上碟時已經比佢嚇親，啲炸蒜勁多但蟹量相對較少……確實有點美足不中。蟹肉紮實鮮甜🦀，炸蒜炒辣椒營造出類近「避風塘」味道，十分惹味。我鍾意拎佢啲炸蒜嚟撈PAD THAI食，因為啲炸蒜蒜香味強勁，非常適合用嚟撈麵或撈飯。如果唔食得太辣嘅你哋，記得佢哋講小辣啊🤣！！！
🍴泰式大頭蝦豆腐炒金邊粉 148 🌟🌟🌟🌟
泰式大頭蝦豆腐炒金邊粉
$148
11 views
0 likes
0 comments
係濕底PAD THAI啊🤤！無錯，我最愛濕底PAD THAI，覺得濕濕地嘅PAD THAI係世一啊！鑊氣十足嘅PAD THAI，一上菜啲鑊氣湧晒上嚟！我食PAD THAI好怕啲豆腐乾硬弸弸😕，但呢個PAD
THAI入面嘅豆腐乾出奇軟腍仲索晒啲羅望子醬嘅酸甜同埋大頭蝦嘅鮮味，正啊！講返大頭蝦🦐，蝦身索晒醬料味道非常入味，肉身彈牙爽口，唔會榎歰歰。呢碟用料同誠意十足嘅PAD THAI唯一美中不足就係份量小😖, 我哋三個每人只係分到好小嘅份量...... 真係唔夠我呢啲泰菜老饕食啊！
🍴泰式珍珠奶茶刨冰 $88 🌟🌟🌟🌟
啊，哈哈哈😝！！！呢個刨冰真係好好食，本身係泰奶粉絲嘅我根本無藉口抗拒呢道甜品：）個刨冰🍧一上枱就要即刻食，唔係佢就好快融成水，影響成道甜點嘅整體味覺。刨冰一放入口就立刻喺口內融化，泰式奶茶獨有味覺𣊬間喺冰片上轉移到舌尖上，令人熟識嘅泰奶味道一湧而上😳。呢個泰奶刨冰唔算太甜，煉奶味道恰到好處，珍珠煙煙韌韌🧋，撈埋啲刨冰一齊食真一絕啊！！！可惜，啲冰真係融得好快，融咗嘅冰會令到其餘嘅奶冰變淡，再食就會淡茂茂😢。
食後有感：
天啊，成日試埋試埋咁多伏嘢😑，終於有間係由頭到尾都係美食！我家鄉位於泰國ISAN地區，能夠喺香港尋覓到家鄉味道確實幸福同感恩🥺。如果大家有咩好食或好伏嘅泰菜，都可以DM我，我會繼續本住探險家嘅精神食勻全港泰菜😤！！！
泰式珍珠奶茶刨冰
$88
27 views
0 likes
0 comments
Other Info. :
CHACHAWAN樓下設有泰BAR，如果大家食飽飽想飲返兩杯，不妨到樓下嗌返杯泰啤飲兩啖! ! !
(The above review is the personal opinion of a user which does not represent OpenRice's point of view.)
Post
