Video
Read full review
2010-12-30
90 views
30-12-2010久仰呢度大名, 亦一直聽聞呢度的點心「貴精不貴多」, 人少飲茶應該都不錯, 是日 lunch 訂定檯落嚟試試.2 人胃納有限, 只劃了 4 款點心及一份燒味, 後來阿姐又話炸兩腸「賣晒」, 最後只試了 3 款點心及一份燒味, 以及一款送的糖水... 不過整體係幾滿意的:-前菜係豆腐粒, 叉燒粒, 筍片 etc, 醃得入味, 食落甜甜辣辣, 香口惹味, 平日唔太食「漬物」的我都食了不少, 不錯不錯.叉燒: 熱到出煙, 食落肉質 (係脢頭吧?) 鬆化軟腍, 肥瘦適宜, 肉汁不少, 蜜味輕, 不過又食到清清的豬肉味, 好食喎 果然係「名物」, 值得試試.酥皮叉燒包: so far 只食過九龍城某點心茶餐廳的濕溼溼酥皮叉燒包, 印象麻麻 (http://www.openrice.com/restaurant/commentdetail.htm?commentid=2012283), 呢度的就當然好食好好好好多 -- 十分熱辣, 外皮聞落幾香牛油味 (!?), 食落微鹹, 質地則極鬆脆, 正! 餡料就係 standard 的叉燒, 西芹, 紅蘿蔔 etc 及蠔油
30-12-2010
久仰呢度大名, 亦一直聽聞呢度的點心「貴精不貴多」, 人少飲茶應該都不錯, 是日 lunch 訂定檯落嚟試試.
2 人胃納有限, 只劃了 4 款點心及一份燒味, 後來阿姐又話炸兩腸「賣晒」, 最後只試了 3 款點心及一份燒味, 以及一款送的糖水... 不過整體係幾滿意的:-
前菜係豆腐粒, 叉燒粒, 筍片 etc, 醃得入味, 食落甜甜辣辣, 香口惹味, 平日唔太食「漬物」的我都食了不少, 不錯不錯.
叉燒: 熱到出煙, 食落肉質 (係脢頭吧?) 鬆化軟腍, 肥瘦適宜, 肉汁不少, 蜜味輕, 不過又食到清清的豬肉味, 好食喎 果然係「名物」, 值得試試.
酥皮叉燒包: so far 只食過九龍城某點心茶餐廳的濕溼溼酥皮叉燒包, 印象麻麻 (http://www.openrice.com/restaurant/commentdetail.htm?commentid=2012283), 呢度的就當然好食好好好好多 -- 十分熱辣, 外皮聞落幾香牛油味 (!?), 食落微鹹, 質地則極鬆脆, 正! 餡料就係 standard 的叉燒, 西芹, 紅蘿蔔 etc 及蠔油 (?) 醬汁, 鹹甜味平衡亦實實在在, 2 人好快清晒 3 隻.
蝦餃: 超熱辣, 比預期中大隻, 澄皮薄而煙韌, 筍 + 豬肉 + 蝦膠餡料則爽口鮮甜, 好食.
馬拉糕: 甜度 ok, 不過唔夠香, 質地則軟撻撻, 食落又有點乾, 蓮香樓 (http://www.openrice.com/restaurant/commentdetail.htm?commentid=1934224) 的好食好多!
楊枝甘露: 見色水咁淡其實無乜期望, 食落只覺花奶味幾香, 柚子清甜, 芒果就好酸. 不過作為送的糖水, 都滿意了.
埋單每人約 $110, 小試「平民」點心不錯, 我覺得物有所值, 會再來的.
Post
