Video
Read full review
2024-10-15
465 views
#權記麵食專家喺港島區想搵一間老字號又出名又抵食嘅麵家，我會諗起我經常去嘅石塘咀熟食中心入面嘅權記。佢同平時有幾間分店嘅平價雲吞麵舖唔同，呢間係好有歷史嘅舖頭。只見到老闆不停地包雲吞，就咁就包咗幾十年。幾年前食過炸醬麵好食，今次照板煮碗，$32，唔知係咪太耐冇食，定因為食多咗其他嘢，又或者係煮麵師傅唔同咗，總覺得冇上一次咁好食。炸醬嘅香味唔夠，麵亦唔夠爽彈，只有肉絲比較大條而且仲保持肉質嫩滑。之前食過淨雲吞一碗有八粒超好食，係必食。今次想試下淨水餃，同樣係$32，共有五粒。水餃幾大隻好飽滿，食到有木耳絲筍絲蝦肉同埋唔知係咪馬蹄粒，我會用實淨嚟形容質感，都幾飽肚。個人口味而言，我比較鍾意淨雲吞多啲，雖然今次味道好似有少少唔同，喺區內呢度嘅出品都係有質素的。權記麵食專家西環石塘咀皇后大道西470號石塘咀市政大廈2樓熟食中心CF5號舖
喺港島區想搵一間老字號又出名又抵食嘅麵家，我會諗起我經常去嘅石塘咀熟食中心入面嘅權記。佢同平時有幾間分店嘅平價雲吞麵舖唔同，呢間係好有歷史嘅舖頭。
只見到老闆不停地包雲吞，就咁就包咗幾十年。幾年前食過炸醬麵好食，今次照板煮碗，$32，唔知係咪太耐冇食，定因為食多咗其他嘢，又或者係煮麵師傅唔同咗，總覺得冇上一次咁好食。炸醬嘅香味唔夠，麵亦唔夠爽彈，只有肉絲比較大條而且仲保持肉質嫩滑。
之前食過淨雲吞一碗有八粒超好食，係必食。今次想試下淨水餃，同樣係$32，共有五粒。水餃幾大隻好飽滿，食到有木耳絲筍絲蝦肉同埋唔知係咪馬蹄粒，我會用實淨嚟形容質感，都幾飽肚。
個人口味而言，我比較鍾意淨雲吞多啲，雖然今次味道好似有少少唔同，喺區內呢度嘅出品都係有質素的。
權記麵食專家
西環石塘咀皇后大道西470號石塘咀市政大廈2樓熟食中心CF5號舖
103 views
1 likes
0 comments
Post
