麵山口商店

Open Now

Now Closed

睇完某傳媒介紹後，為食嘅我又去試下。小店由日港籍夫婦經營，店鋪細細，但有地道感，店主好nice👍🏻講返碗麵先，我同朋友試咗兩款：🌱豚骨醬油: 湯底香濃，油份可揀多或少，麵質可揀軟，硬或正常。豚肉片約2-3 塊，肥瘦適中，肉質軟腍。溏心蛋半隻，好好食，小女子覺得要追加多隻😂😂🌱札幌辛味噌: 湯底比上面果款更濃，略帶少少辣味。我同朋友都覺得上面果款取勝。配料同上面果款大致相若總括: 湯底唔會偏鹹，唔多似味精湯（因為飲晒都唔覺口乾口渴）。麵嘅粗幼度又啱啱好，所以會encore🤪👉🏻溫馨提示: 未夠6:00 店外已排了長長嘅隊（閒日星期四），建議早15-20 分鐘去排。小女子當日排咗1小時多，而店內大約15 個座位，兩張長bar 枱，3 張小方枱，電子落單（有d 款式唔係圖中嘅hard copy menu上），提供凍水飲用。