麵山口商店

Open Now

Now Closed

麵山口商店就經過唔同youtuber吹奏soko san之後又到米紙由日本人老公同香港人老婆兩夫婦開既疫情初果時兩公婆本身係開便當店之後間舖無左而家就訓身做拉麵店餐廳係廟街美都餐室前面就係球場對面餐廳5月開張我地7月去既當時米紙條片仲未出平日lunch十二點十左右去到前面都有三四個人排緊隊好彩都係等左幾分鐘入得不過排隊就無咩指示入面侍應得一個就忙到hihi唔太得閒理人成個舖連埋侍應就三個人有對窗bar檯有table同埋我地坐對廚房既bar檯廚房都係一眼望晒已經見到山口先生門口有餐牌有三個麵選擇入面就用qr code落單另外叉燒飯就可以追加貴過貓飯少少先黎既係貓飯其實即係飯版本既撈麵肉碎加木魚加魚汁撈暈後少少辣幾開胃叉燒飯個熱熔芝士就仲香朋友就要左豚骨醬油我就揀左最貴既鯖節豚骨兩個麵既湯其實都係差唔多都係順口既豬骨湯味不過鯖節麵就多左魚湯同鯖魚所以變得酸酸地 蛋同叉燒都OK但係隻黃麵就仲廉價過樂麵雖然鯖魚係無咩點試過但始終都係好大路既豬骨湯底加上隻麵真係唔太得成個麵整體就唔算好特出而且個鯖魚麵都成過百蚊我覺得唔太值唯獨係兩隻飯都幾好咁我就唔算特別鍾意呢間麵山口都係試一次就夠既類型同埋侍應

近排睇到 已經冇乜人排隊正在奇怪點解咁好味嘅拉麵都冇人幫襯知道店主好有心做好 所以成日都想主動幫襯小店可惜香港人做生意真係好冇服務質素原來因為服務態度 一人四行打算光顧見到冇人排隊 入邊仲有10個空位一個正在泊車 打算三人先入去Order快快脆脆食完就走點知竟然同我講唔齊人唔俾入其實店內仲有10個位 可以方便吓客人睇吓情況 盡量安排如果人多排緊隊 我都可以理解明明冇人都唔俾客入真係古怪到不得了其實香港咁嘅服務態度 真係唔執笠都出奇又要限時又要齊人 又要呢樣又要嗰樣幾好食都唔會幫襯

我最近去了一間由日本人開的小店，呢度嘅豚骨醬油拉麵真係超好食。湯底濃郁香滑，拉麵條條彈牙，配上溏心蛋同叉燒肉，真係一流。食完一碗好滿足，仲有啲乾燥嘅紅蝦增添咗啲特別嘅口感。小店內部裝修好簡單，但氣氛好親切，好似喺日本食麵一樣，真係值得推薦！🍜🥚🍖🍤

之前上網見到有YouTube channel，有介紹呢一間小店，今日就同朋友過嚟決定試吓，本身我非常鍾意食拉麵，所以都有好高嘅期望！餐廳位置唔係太多，所以去到嘅時候都要排吓隊，我哋等咗大概20分鐘！餐廳嘅豬骨湯非常濃郁，佢嘅湯頭，係用咗好多個鐘自家熬製，飲得出佢嘅味道非常正，充滿濃厚嘅豬骨味道，拍得住日本傳統嘅拉麵！不過佢嘅拉麵我就覺得，冇日本嘅拉麵面質咁出色，我就揀咗普通硬度，覺得都不過不失，另外佢嘅留心雞蛋都做得唔錯，鍾意食嘅朋友都可以加！

今日突登過嚟試試拉麵🍜見只需等一張枱都唔駛太耐叫咗一碗醬油豬骨白湯拉麵 $88一碗鯖節豬骨白湯拉麵$107首先嚟嘅係鯖節第一啖飲飲個湯先嘩…咁咸嘅再食條鯖節…好咸雖然鯖節拉麵喺香港比較少見但出色嘅鯖節經煙燻過後應具備獨有嘅鹹香但成碗麵感覺得1個字：咸再試試豬骨拉麵湯底望落十分濃郁但飲落好單調而欠缺層次沒有豬骨湯濃厚嘅香氣又沒有濃醇嘅風味而細蔥食落有渣麵條揀咗硬身..但都不合自己滿意加上麵身唔掛湯感覺麵與湯唔係好夾唯一OK嘅係叉燒及蛋睇得出店家製作用心可能不合我口味但要排隊就不用刻意經過可以試試

前幾日👀YouTube介紹呢間舖頭：知道日本老闆對煮食嘅執着，所以出嘅品種好少。又係網上知道口碑好。今日去果欄入貨，順便去行去試吓。12:15到達，間舖細細地都已經有6/7個食緊麵。女店員好友善🫶🏻安排我坐喺一個角落位，比較安靜，適合一人前☺️掃Barcode落單，覺得非常之好，唔使咁麻煩。碗麵都快上、食落真係覺得YouTube冇介紹錯🫶🏻🫶🏻とてもおいしい一我嚟講已經夠飽啦，下次都想試埋其餘兩種拉麵，同埋佢出名嘅貓飯🦊🍚呢間店我都好鍾意會再嚟光顧🫶🏻👍🏻

曾經睇過網上嘅報告，介紹呢一個日本人主理的拉麵店，今日經過油麻地特登去試吓，時間係大約12:45，諗住碰吓運氣，點知只見到一個人排隊，即刻去試吓，全程等咗10分鐘，裏面嘅座位都算多，冷氣都好夠凍，整體係舒服嘅，知道佢有三款拉麵，我今次特登試佢嘅原味，醬油豚骨拉麵，全程要自己掃code落單，唔夠5分鐘就有得食，湯底呈橙色，睇落去好濃郁，對面配兩舊肥肥地嘅薄叉燒，叉燒都OK，但湯底太過濃郁，但係又食唔到醬油嘅味道，感覺有少少失望，整體係OK嘅！但係未至於要特登去試吓！

店舖雖然細細，但座位都有15個左右（兩邊吧枱再加兩張細枱）不過吧枱位就冇位置可以俾你放袋😅掃QR code落單方便簡單😆雖然店內只有兩個人負責煮食，但食物都好快送上👍🏻我就午餐時段過去只係等咗10分鐘左右就可以入座，叫咗個「醬油豬骨白湯拉麵」湯底方面好濃😍我成碗湯飲晒😂🤣（都唔會話要不停飲水）入面有兩塊叉燒肥瘦適中😋，下次再去食，我一定要試埋佢個👉🏻新潟越光米（白飯）先得😂🤣

📌油麻地今次黎到油麻地，想同大家介紹返一間由日本人山口先生夫婦主理既地道正宗日本高質拉麵 一 麵山口商店 @noodle_yamaguchi_shouten🍜醬油豬骨白湯拉麵 $88特制醬油豬骨湯底濃而不膩，拉麵麵質彈牙，仲會有兩片肥瘦適中既日式叉燒同半隻日式醬油溏心蛋😋👍🏻📍麵山口商店地址：油麻地廟街56-58號地舖#油麻地 #麵山口商店 #拉麵 #撐小店 #日式拉麵 #人氣拉麵 #平民食堂 #平民美食 #星星帶你食 #醬油豬骨白湯拉麵 #其實有好多小店需要大家支持🙌🏻 #foodie #hkfood #hkfoodie #foodiehk

山口商店是一所拉麵小店，店主兼大廚山口先生十分努力經營拉麵店，為了研製美味拉麵下了很大努力。拉麵種類有3款，其中豚骨+魚介更配有鯖魚，相信是香港較少見配搭。豚骨魚介湯味道唔差，但魚介味不算突出，相信調味上避重就輕，如果湯底魚介味能更重，會更好吃。鯖魚為長條形，作炙燒處理，加上以醋醃製，不但沒有魚腥味更有豐富的味道，配合叉燒更令整碗拉麵豐富突出。整體而言，山口商店由山口先生與山口太太主理，二人都十分努力經營拉麵店，但湯底仍有進步空間，相信現時口味迎合大多數人。

麵山口商店🍜由未開張已經留意的拉麵店！現在已經成為人龍店🙈當時剛開業已經有幸食到頭啖湯！感受到老闆匠心精神及滿滿細節感🫶🏻全店拉麵只有三款口味👇🏼普通醬🥢/辛辣味🌶️/鰹魚湯🐟當豬骨湯底拉麵好像已被潮流拋棄但店家在豬骨湯加入鯖魚節🐟似為復古舊衣加入新元素🥰令我耳目一新🍜鯖節豬骨白湯拉麵鹹香醇厚的豬骨湯底，滲出鮮甜的魚香滋味🫶🏻湯底顏色濃郁，散發豬肉及海鮮自然甜味且清新不油膩！🥢拉麵麵質是我喜歡的曲麵 很能掛湯🐟鯖節魚乾帶有微酸味 為整碗拉麵的味道帶上另一層次 與酸筍有異曲同工之妙🥚糖心蛋正常發揮 總括而言希望大家都能不用大排長龍就能品嚐這款平實無華，但用心烹煮的滋味🥰

睇左某某媒體嘅報導，知道係山口家兩公婆辛苦😓經營的，點都要去 support 吓! 不過以下食評都係誠誠實實嘅 😀.1. 香味 (2/5) - 唔知係咪因為我坐正响個風口位，點聞都聞唔到香味，所以保守 d 比個2/5分。2. 湯頭 (3/5) - 雖然呢碗拉麵叫"鯖節豬骨白湯拉麵"，不過魚介味道比豬骨味更濃更凸出。味道方面，同一般巿面上食到的魚介豬骨湯大同小異。3. 麵 (3/5) - 中幼麵，顏色比較黃，直身，同偏透明，似係高加水麵，完全唔吸湯。麵香係有嘅，有d似食中華冷麵會選用嘅麵條。4. 配料 (3/5) - 重中之重，當然係嗰條鯖魚，食起來味道似希靈魚，用醋醃過，而且有強烈煙燻味，魚油亦好香，係心機之作。配料種類算多，除左叉燒，蛋，蔥，筍，海苔(乾+濕)，驚喜嘅係仲有白蔥同洋蔥。配料而言，份量係夠，而且好食，但未去到喜豔。整體 - 中規中矩，如經過可一試。

呢間係一間都幾出名嘅日本拉麵店，開證喺油麻地廟街天后廟，北面，老闆日本人移居香港一段時間，而太太係香港人，佢哋兩個就係呢一間麵店嘅廚師同埋靈魂，其實佢哋嘅故事可以喺網上YouTube搵到。講返湯底呢，佢哋都係堅持每日去做新鮮嘅，所以我叫完碗麵，亦係會飲晒啲湯。非常好飲，好鮮，唔鹹，啲麵亦都好好食。我上次禮拜日去，五點幾就已經有人排隊，不過都算快，30分鐘內就一定有位坐，地方唔係好闊落。希望下一次會有多啲拉麵可以選擇，而家得三款有啲少！

呢碗麵雖然好簡單，但係一食落就知道佢裏面包含咗日本人對於食物嘅細心同埋追求完美-之前睇咗米紙嘅訪問，而對餐廳產生好奇，叫埋朋友一齊嚟食啦，咁佢淨係得三款揀嘅啫-普通醬/辛辣味/鰹魚湯-咁今次就淨係叫後尾嗰兩款啦-食落嘅時候係真係好似去咗日本旅行咁樣，本身排咗條長龍，不過都冇乜人放棄大家都堅持入嚟食，所以如果真係喺香港想搵好食嘅拉麵，都可以試吓

🍜人氣拉麵店排隊一小時！港日夫婦主理 人氣拉麵小店排隊攻略 鯖節豬骨白湯拉麵🍜之前呢間小店開業時已經有留意到，可惜拖延症嘅我遲遲都未去，到了而家已經成為超人氣熱門拉麵店之一，好多人去到以前有人龍就照排隊，無留意到店家嘅運作，所以變咗白等，想食就要留意以下攻略🍜店舖會由6:00 開始派籌，睇報道每日限量提供200 碗賣曬就無，如果唔想等要6:00 前達陣就可以第一批進店，其他入唔到嘅需要入店按人數攞籌號先可以排隊，如果單人嘅話會快少少，大約30 分鐘就可以就坐，今日6:10 到達前已有大約十個人攞咗籌號，喺出面大熱天時等咗一小時就可以進店，籌號每日大約6:30-7:00 就會派完，記得唔好人排你又排，已經眼見有好多人就咁排，無攞籌就無得食，時間又浪費咗，嘈都無用🍜 鯖節豬骨白湯拉麵 $107鯖魚係主角，擺盤感覺好靚，味道帶有烤魚的香氣帶酸味，湯底豬骨飲落順滑感覺，豚骨魚介香味平均，唔會太濃無痴立立嘅感覺，麵條用了細麵幾有爽彈感，其他仲有拉麵荀，海帶，大蔥絲，拉麵蛋軟滑口感，湯底覺得幾啱香港人口味，會係想飲曬佢嘅唔會太溜🍜甘海老拉麵 $98半碗都係超靚紅色嘅櫻花蝦，湯底本身已經有蝦味，幾重