Four X Four (Moved) New Location

舖面好細，位置不多，但富格調。客人不多，侍應好有禮貌，好似走左入去高級餐廳的感覺，但價錢又相當平民。點了個全日早餐，水準絕不失禮，焗豆及煙三文魚保持一貫水準，炒蛋好滑，多士香脆軟熟，薯餅溫度剛剛好，軟硬適中，就連餐湯及凍飲都好好飲。最讚係個炒磨菇，係我食過最好食既炒磨菇。食物份量都剛剛好，只係實在好味到想叫多一份，但其實已經八分飽。美中不足的是店主對選曲的品味差左少少，如果可以播返啲高質啲既廣東歌就完美了。