富盈火鍋雞煲專門店 (Closed)

今晚同朋友嚟旺角行街同食飯，心思思好想食餐豐富啲嘅，行經通菜街見到呢個餐廳—富盈雞煲火鍋專門店 ，一間舖頭就可以滿足晒我哋嘅三個願望—雞煲、火鍋同韓燒😆雞煲叫咗BB辣，唔算好辣，大人小朋友都啱食😋雞件肉質鮮嫩，好有鮮味，雞肉醃得好入味，好香好惹味，令人食唔停口，同埋雞煲係可以無限refill 😋 總共食咗兩轉雞煲火鍋方面就係加湯打嘅，因為叫咗雞煲，火配配料都超級多樣化，有大蝦、花膠、蝦滑、鴨腸、蝦餃等等，多到數唔晒，食得好滿足 👍🏻韓燒方面都好正，肉類選擇多到令人眼花撩亂，超推安格斯牛粒，肉質好嫩滑，好juicy，牛味都好濃郁，超級好味☺️熟食都好唔錯，有炸物、魚皮；飲品都選擇都好多元，有汽水、健康之選、茶類飲品，非常豐富餐境內部環境都值得一贊，超級闊落，枱與枱間距超級大，坐得好適服，同埋員工服務態度非常好，好熱心，成日幫手煮雞煲同調較溫度😆今晚食得好滋味，三個願望都一同滿足晒🥰