一君士多 (Closed)

老外朋友來講落地酒店於尖沙咀，話想食有香港情懷的午餐，我第一時間想起車仔麵。一君士多連我偶像古天樂都有去親身支持，尖沙咀店座位闊落，交通又方便，地鐵站出口行不到1分鐘！由我親身推介外國朋友食一碗豪華版的車仔麵，一於《霸王麵》 $98。材料豐富到不得了，尤其是高貴食材有鮑魚、廣島蠔、花膠，再加上自己喜歡的車仔麵配料，大大碗夠滿足。賣相夠晒大堆頭，打卡呃 like 就最啱啦! 原隻鮑魚彈牙鮮味、廣島蠔入口軟滑，花膠最啱秋天食因為夠晒滋潤，最緊要就係試埋麻辣醬汁，少少辣多惹味，真係令人回味無窮！車仔麵配料有懷舊味道咖喱魚蛋、軟滑有咬口的牛筋、好耐都冇食過嘅紅腸，配搭粗面底，吃貨推介！另外再加兩款香口小食，炸燒賣包保外國朋友未食過，佢哋都覺得好有創意。炸蝦餅新鮮熱辣，皮脆肉滑，口感彈牙！最估唔到就係連甜品都照顧得到，香蕉成熟船 $48，記得香蕉成熟時要留肚食返個甜品，香蕉船仲有一把小雨傘，真可愛。兩球雪糕加上脆薄餅，甜美的享受！