一君士多 (Closed)

作為古天樂嘅影迷，梗係要過嚟撐下佢嘅老友鄧一君，之前睇報紙見到佢開咗間車仔麵店，仲有成大大隻鮑魚同花膠做賣點，一直都好想黎試，今次終於有機會啦！呢度嘅裝修都幾簡潔，感覺都幾舒服。一入門口就見到鄧一君喇！估唔到老闆都成日駐場喎！今次我哋就試咗富貴麵同埋普通車仔麵。富貴面有鮑魚花膠同花菇，我真係第一次食車仔麵會有呢啲咁豪華嘅餸啊！佢個鮑魚雖然細細粒，但係都幾彈口幾入味㗎！二花膠都唔差，食完可以增加骨膠原！車仔麵我就揀咗魚蛋豬紅同埋雞翼！味道都唔錯，當然冇富貴麵咁出色啦！另外我哋都嗌咗小食，芝士磨菇雞翼，呢個好好食！味道好特別，略嫌太細隻，唔夠喉，好想再encore！