Video
Read full review
2010-08-12
309 views
雖然寒爸已經唔在大家身邊，不過阿媽生日點都要食餐飯。正當翠玉軒裝修之際，寒姐問：仲有咩野中菜得呀?我唔用大腦就講左一聲：利苑囉。穩陣丫嘛。之前返教署都覺得質素ok既。一開手寒姊已經細細聲同我講：咦，服務未到一星囉。嗯，我叫茶寒媽要水佢可以連我隻杯都收埋@@"叫左五個菜：宮廷醬烤骨、海味雜菜煲、鮮蝦蟹肉蒸蛋白、龍王芽菜雞絲炒麵、冰燒三層肉。宮廷醬烤骨係因為睇左國泰本書所以先叫既。個三層肉其實好多脂肪，但係個汁中和左佢既肥膩。個食譜度佢話落茄汁呀、米醋呀咁，但我食到既山楂之類好天然既味道。海味雜菜煲好多人會搵瑤柱呀、甚至搵下有冇海參呀咁，但我在乎於那個奶白色既湯，好重既蝦乾味，我懷疑有魚成份煲埋，令D蔬菜冇咁寡。至於鮮蝦蟹肉蒸蛋白，面既上湯味太重，蝦肉味道搶晒蛋白既純；個炒麵都炒得幾乾身唔算油；最後上桌(P.S:催左兩次，到左第二次催完啦，竟然即刻有@@")既冰燒三層肉暖既，面頭真係好脆好爽索索聲，不過十二粒太少啦><"埋單六百幾。咦，唔算好貴Wor......米芝蓮一星黎講。原本想食埋楊枝甘露Gar，不過冇人陪我食，唯有又下場啦。
正當翠玉軒裝修之際，寒姐問：仲有咩野中菜得呀?
我唔用大腦就講左一聲：利苑囉。穩陣丫嘛。之前返教署都覺得質素ok既。
一開手寒姊已經細細聲同我講：咦，服務未到一星囉。
嗯，我叫茶寒媽要水佢可以連我隻杯都收埋@@"
叫左五個菜：宮廷醬烤骨、海味雜菜煲、鮮蝦蟹肉蒸蛋白、
龍王芽菜雞絲炒麵、冰燒三層肉。
宮廷醬烤骨係因為睇左國泰本書所以先叫既。個三層肉其實好多脂肪，
但係個汁中和左佢既肥膩。個食譜度佢話落茄汁呀、米醋呀咁，但我
食到既山楂之類好天然既味道。
海味雜菜煲好多人會搵瑤柱呀、甚至搵下有冇海參呀咁，但我在乎於
那個奶白色既湯，好重既蝦乾味，我懷疑有魚成份煲埋，令D蔬菜冇咁寡。
至於鮮蝦蟹肉蒸蛋白，面既上湯味太重，蝦肉味道搶晒蛋白既純；
個炒麵都炒得幾乾身唔算油；
最後上桌(P.S:催左兩次，到左第二次催完啦，竟然即刻有@@")既
冰燒三層肉暖既，面頭真係好脆好爽索索聲，不過十二粒太少啦><"
埋單六百幾。咦，唔算好貴Wor......米芝蓮一星黎講。
原本想食埋楊枝甘露Gar，不過冇人陪我食，唯有又下場啦。
Post
