千海水產海鮮火鍋放題

Open Now

Now Closed

呢間主打即撈海鮮火鍋放題店近期好Hit，今日終於可以試，我哋平日一至四嚟， 7:30pm前離開，食兩個鐘，每人只需$298 ，性價比幾高。一入到去，急不及待去海鮮區撈海鮮，海鮮區環境乾淨整潔，完全冇濕濕嘅感覺，有多款海鮮包括基圍蝦，草蝦，大頭蝦，三點蟹，藍花蟹，鮑魚，海螺，貴妃蚌，沙巴，蜆。自助撈海鮮區會不停補貨，無限量任撈任煮。全部海鮮都係新鮮游水的，可以逐隻揀，然後夾入自己的海鮮筒，很好玩，蟹同鮑魚可以俾店員清洗乾淨處理。另外，仲有個生蠔區，生蠔已經去殼，清洗乾淨，隻隻肥美。啲海鮮真係好鮮甜，特別係蟹，一定要食，肉質嫩滑，鮮甜又多膏。我哋叫咗椰子雞做湯底，估唔到湯底有幾清甜，除咗即撈海鮮，有多款火鍋配料任點，包括澳洲和牛，牛肩胛，羊片等等。另外仲有多款熟食可以任點，有乳鴿，川味燒生蠔，鵝肝多士，燉椰汁雪燕木瓜等等，全部都係新鮮熱辣，好好味，估唔到火鍋放題啲熟食咁高質素。自助區有好多款熟食，例如炸雞，炸饅頭，燒榴槤，仲有巨型蝦餃同燒賣等等。仲有蔬菜同丸類區，當然仲有甜品區同飲品區，雪糕今日有4款Häagen-Dazs雪糕同埋兩款Movenpick雪糕。