Video
Read full review
2022-12-22
2451 views
實而不華嘅米芝連三星中菜唐閣🥳唐閣(尖沙咀)📍尖沙咀北京道8號香港朗廷酒店1樓及2樓「我是一個臨記可以填滿你寂寞，姑息你濫用我彌補這空檔，明明今晚好好緊貼在我旁，你開你手機暗暗因他發光」#裝睡的情人 #張敬軒全港只有兩間米芝連三星中菜，一間就係四季嘅龍景軒，另一間就係今日想介紹嘅位於朗廷酒店嘅唐閣，相比起龍景軒嘅奢華氣派裝修，唐閣依邊就平實好多，甚至乎如果唔係門口有幾塊米芝連三星嘅獎牌，可能都未必會察覺到依度就係全港唯二兩間米芝連三星中菜之一。唐閣訂位並唔算太困難，提早一星期左右預訂都有位，裝修格局似一般酒店中菜，服務水平當然一D都唔馬虎，樣樣都照顧周到，同時令客人用餐體驗可以更隨性，唔會太過拘謹。-蜜汁餞叉燒 $360 4.2/5 ⭐️ 每次到訪米芝連中菜餐廳，必定要試嘅一定各家出品嘅叉燒，唐閣嘅叉燒色澤亮麗，肥瘦適中帶少少燶邊，入口鬆化，但無太大驚喜或者記憶點，只可以話係一道好食嘅叉燒。-饟焗鮮蟹蓋 $250 4.4/5⭐️饟焗鮮蟹蓋亦係傳統米芝連中菜都會有供應嘅招牌菜，唐閣嘅鮮蟹蓋亦係招牌之一，上枱金黃香脆，侍應比我地影完相之後仲會提供毛巾比我地直接包住蟹蓋方便進食，依個饟焗鮮蟹蓋非
唐閣(尖沙咀)
📍尖沙咀北京道8號香港朗廷酒店1樓及2樓
「我是一個臨記可以填滿你寂寞，姑息你濫用我彌補這空檔，明明今晚好好緊貼在我旁，你開你手機暗暗因他發光」
#裝睡的情人 #張敬軒
全港只有兩間米芝連三星中菜，一間就係四季嘅龍景軒，另一間就係今日想介紹嘅位於朗廷酒店嘅唐閣，相比起龍景軒嘅奢華氣派裝修，唐閣依邊就平實好多，甚至乎如果唔係門口有幾塊米芝連三星嘅獎牌，可能都未必會察覺到依度就係全港唯二兩間米芝連三星中菜之一。
唐閣訂位並唔算太困難，提早一星期左右預訂都有位，裝修格局似一般酒店中菜，服務水平當然一D都唔馬虎，樣樣都照顧周到，同時令客人用餐體驗可以更隨性，唔會太過拘謹。
-蜜汁餞叉燒 $360 4.2/5 ⭐️
每次到訪米芝連中菜餐廳，必定要試嘅一定各家出品嘅叉燒，唐閣嘅叉燒色澤亮麗，肥瘦適中帶少少燶邊，入口鬆化，但無太大驚喜或者記憶點，只可以話係一道好食嘅叉燒。
蜜汁餞叉燒
43 views
1 likes
0 comments
-饟焗鮮蟹蓋 $250 4.4/5⭐️
饟焗鮮蟹蓋亦係傳統米芝連中菜都會有供應嘅招牌菜，唐閣嘅鮮蟹蓋亦係招牌之一，上枱金黃香脆，侍應比我地影完相之後仲會提供毛巾比我地直接包住蟹蓋方便進食，依個饟焗鮮蟹蓋非常飽滿，係混入咗幾種唔同嘅蟹肉，入口啖啖蟹肉好鮮甜，仲有少少洋蔥絲增加口感，食完之後非常滿足，好推薦。
釀焗鮮蟹蓋
45 views
1 likes
0 comments
-唐閣寶盒飯 $170 4.3/5⭐️
依個亦都係唐閣另一個招牌之一，用左蟹造型嘅器具裝住白汁芝士海鮮飯，飯底有炒過，乾身之餘粒粒分明，配返白汁芝士一齊食非常滿足，配料有蟹肉同蝦肉，係另一個變奏版嘅饟焗鮮蟹蓋，同樣十分出色，推薦。
唐閣寶盒飯
65 views
2 likes
0 comments
-生菜片鴿崧 $260 4.1/5⭐️
份量非常之多嘅一道菜，可以當生菜包咁食，生菜包住鴿崧等配料一齊進食，多層口感滿足，但份量實在太多，我地兩個人最後食左1/3就已經投降要打包拎走。
27 views
0 likes
0 comments
-蜜瓜椰青凍糕伴紅豆酥 4.1/5⭐️
常言道，甜品係有另一個胃，所以我地就算好飽都想試試米芝連三星中菜嘅甜品，先講每位都附送蜜瓜椰青凍糕伴紅豆酥，紅豆酥外形整到一個梨咁，非常可愛，蜜瓜凍糕就正常水準發揮。
-蓮蓉西米焗布甸 $70 4.2/5⭐️
坊間已經越嚟越少見有蓮蓉西米焗布甸，所以係到見到即刻叫嚟試試，表層焗到焦香煙韌嘅西米布甸，而內層濕潤而且好香蓮蓉味，非常滿足。
-楊枝甘露 $70 4.1/5⭐️
最後就係一碗楊枝甘露，冰涼透心又解膩，非常唔錯。
18 views
0 likes
0 comments
-
總結:唐閣貴為米芝連三星中菜餐廳，服務水平當然一流，整體各樣食物水平都唔錯，但又未去到令人覺得驚艷嘅感覺，不過價錢相對適宜，而且亦唔太難預約，大時大節想慶祝嘅話都可以嚟依度試試。
====
#唐閣#摘星之旅#米芝連三星#朗廷酒店
#尖沙咀美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食
#饟焗鮮蟹蓋#唐閣寶盒飯#蜜汁餞叉燒
====
有興趣睇更多好西推介，或者大家有好西Share，請大家Follow下我IG，比D支持✨：@healoop.foodie
Post
