Video
Read full review
2020-07-07
5422 views
其實呢間餐廳都非常出名，世界各地都有分店。首先佢門面以普通嘅深色木頭作為主色，保持住七八十年代嘅扒房設計。而入邊嘅裝修亦都係一樣，而且設有酒吧區同一啲真皮座椅嘅卡位。餐廳其中一邊，更加可以望到海景非常適合情侶浪漫晚餐。而且佢更加有專人負責你張枱嘅所有服務，侍應好有禮貌咁介紹自己同埋會負責推介同解釋餐廳供應嘅菜式，非常專業。今次因為食午餐所以就冇叫太多嘢食，叫咗兩個湯同埋兩塊牛扒。上菜之前有餐包，以為個法國麵包會好硬但係佢非常鬆脆，真正做到外脆內軟，加上牛油更加香。龍蝦湯係佢哋其中一樣招牌菜，成碗湯非常之濃，龍蝦味好出，感覺到佢哋應該用咗好長時間同埋好足料去熬製。Seafood Gumbo濃濃肉汁，味道有啲似牛尾汁而入邊亦都有好多牛肉粒，睇佢好細咁，係因為呢道菜只係餐廳嘅soup of the day。Gumbo的中文翻譯成秋葵湯，嚴格來說這不是一個最貼切的名字，首先它不是一道湯，而是將許多食材煮成濃濃的一鍋之後，用來淋在米飯上食用的一道主菜料理，就是說和咖喱飯的感覺差不多。Ribeye 肉眼扒肉味好濃而且肉質好淋，但個人覺得爭少少咬口，咁肉眼扒確實係比西冷或者其他部位淋啲，所以整體上問
而入邊嘅裝修亦都係一樣，而且設有酒吧區同一啲真皮座椅嘅卡位。餐廳其中一邊，更加可以望到海景非常適合情侶浪漫晚餐。而且佢更加有專人負責你張枱嘅所有服務，侍應好有禮貌咁介紹自己同埋會負責推介同解釋餐廳供應嘅菜式，非常專業。
今次因為食午餐所以就冇叫太多嘢食，叫咗兩個湯同埋兩塊牛扒。
上菜之前有餐包，以為個法國麵包會好硬但係佢非常鬆脆，真正做到外脆內軟，加上牛油更加香。
龍蝦湯
係佢哋其中一樣招牌菜，成碗湯非常之濃，龍蝦味好出，感覺到佢哋應該用咗好長時間同埋好足料去熬製。
Seafood Gumbo
濃濃肉汁，味道有啲似牛尾汁而入邊亦都有好多牛肉粒，睇佢好細咁，係因為呢道菜只係餐廳嘅soup of the day。
Gumbo的中文翻譯成秋葵湯，嚴格來說這不是一個最貼切的名字，首先它不是一道湯，而是將許多食材煮成濃濃的一鍋之後，用來淋在米飯上食用的一道主菜料理，就是說和咖喱飯的感覺差不多。
Ribeye 肉眼扒肉味好濃而且肉質好淋，但個人覺得爭少少咬口，咁肉眼扒確實係比西冷或者其他部位淋啲，所以整體上問題不大。
New york strip 紐約客牛排
一種取自牛前腰脊肉的牛排，在澳洲又稱無骨西冷牛排。個人比較鍾意呢個部位，肉味冇肉眼咁濃，但非常有咬口而且有一層脂肪，牛扒配合油香真係好正～
不過呢餐真係唔算平，兩個人加埋食咗一千四百幾蚊，但係佢嘅環境、服務同埋食物嘅質素的確係值呢個價錢。
Post
