翠苑甜品專家 (Closed)

約左朋友去massage，時間未到本想找家茶記飲杯野，點知行經景龍街原來開左間翠苑，二話不說即刻拉友人入去。翠苑的北角分店我已光顧過N次，喜歡他們的中式甜品夠傳統，實而不華。銅鑼灣店是第一次，依舊簡潔的格局，我點了桑寄生蓮子茶，友人點了腐竹薏米雞蛋。兩碗糖水黎到時都好夠熱，呢點對於我來就都幾重要，最怕點熱野唔夠熱凍野唔夠凍。桑寄生蓮子茶，有著淡淡桑寄生香氣，剛剛好唔會太濃，太重桑寄生就會帶苦澀，甜度剛好唔會死甜，蓮子夠鬆夠軟，飲完覺得好潤喉舒服。腐竹薏米雞蛋，我嘗了一點，成碗都有腐竹片，唔似有些店煮到好似豆漿咁。腐竹好香滑，薏米同樣夠鬆軟，好味。