翠苑甜品專家 (Closed)

銅鑼灣食甜品有大把選擇，中英美法日再cross over既比比皆是，但要食番碗簡簡單單既糖水反而困難，因為租金昂貴，唔整色整水又點賣得起價喎，難得翠苑係銅記開分店，呢間野既糖水好簡單直接，花生糊丫、芝麻糊丫同埋相入面既合桃糊，全部都係傳統大家由細食到大既款式，絕對你係一睇餐牌就知佢咩胡蘆就係賣梗咩藥果款，但勝在真材實料，絕無取巧造作。好似呢碗合桃糊，甜度同糊度適中，入口順滑，合桃既堅果香味突出，反樸歸真值得一試。