Video
Read full review
2023-04-22
42 views
今日同朋友喺誠品打完書釘，睇完精品，發現誠品內嘅呢一間餐廳，正好一試。 平日嘅晚上餐廳人流唔算多，可以坐到窗邊嘅位置，坐低發現窗邊嘅位置正對住海旁，可以一覽維港海景，呢點令我地喜出望外。 餐廳環境寧靜，伴隨着柔和嘅音樂，可能客人大多都係喺誠品打完書釘過嚟用膳，傾談嘅聲音都較細，與窗外海旁嘅熱鬧形成左好大對比。窗外正對住海港城嘅長樓梯同海旁，外面人來人往，更加突顯左餐廳帶比我哋惬意嘅感覺。餐廳嘅Menu係全英文，下面會註明左食材，但如果有埋圖片參考會更好。CRAB & BURRATA CHEESE PIZZA ($238)Pizza即叫即整，所以製作需時，但上枱時真係熱辣辣，個份量比我哋想像中大得多，賣相幾吸引。Pizza好大個，舖滿咗滿滿嘅芝士同蟹肉，仲有三文魚子、聖女果、以及蘆筍，食落口感都幾豐富，蟹肉味濃郁。小碟上大約係切咗五份一嘅size，可見嘅Pizza有幾大。BOSTON LOBSTER BARLEY RISOTTO （$238）採用咗加拿大波士頓龍蝦，龍蝦好大隻，餐廳亦都細心準備咗龍蝦鉗方便我哋拆肉，龍蝦嘅肉質幾彈牙。Risotto同平時食開既唔太相同，用左barle
平日嘅晚上餐廳人流唔算多，可以坐到窗邊嘅位置，坐低發現窗邊嘅位置正對住海旁，可以一覽維港海景，呢點令我地喜出望外。
餐廳環境寧靜，伴隨着柔和嘅音樂，可能客人大多都係喺誠品打完書釘過嚟用膳，傾談嘅聲音都較細，與窗外海旁嘅熱鬧形成左好大對比。窗外正對住海港城嘅長樓梯同海旁，外面人來人往，更加突顯左餐廳帶比我哋惬意嘅感覺。
餐廳嘅Menu係全英文，下面會註明左食材，但如果有埋圖片參考會更好。
CRAB & BURRATA CHEESE PIZZA ($238)
Pizza即叫即整，所以製作需時，但上枱時真係熱辣辣，個份量比我哋想像中大得多，賣相幾吸引。Pizza好大個，舖滿咗滿滿嘅芝士同蟹肉，仲有三文魚子、聖女果、以及蘆筍，食落口感都幾豐富，蟹肉味濃郁。
小碟上大約係切咗五份一嘅size，可見嘅Pizza有幾大。
BOSTON LOBSTER BARLEY RISOTTO （$238）
採用咗加拿大波士頓龍蝦，龍蝦好大隻，餐廳亦都細心準備咗龍蝦鉗方便我哋拆肉，龍蝦嘅肉質幾彈牙。
Risotto同平時食開既唔太相同，用左barley，所以比較大粒亦都比較硬身，用左barley 會比較健康，但唔係我喜歡嘅口感，但如果鍾意食比較硬身嘅就會鍾意。
Post
