Blacksmith Coffee Shop (Closed)

自製左一日假期同老公去西貢行下。平日既西貢，真係好舒服，冇塞車，冇濟逼既人群。可以慢慢搵間啱心水既coffee shop享受下，唔使排隊等位，唔使坐得耐唔好意思。我承認，我係一個睇外表既人 （所以成日中伏）。經過呢條街都有幾間coffee shop，但就係俾呢間吸引住，全舖黑色為主，配上木色枱櫈，好有氣氛。所以諗都唔諗就決定試下佢d咖啡。由於平日既關係，一d都唔full，坐得舒服又可以揀自已鐘意既位坐。真係好鍾意望住Barista專心沖咖啡，根本就係一種藝術。叫左2杯Pourover Coffee，Panama同Brazil。Panama偏酸，Brazil就偏甜有果仁香，容易入口。就係咁，坐下傾下，睇下沖咖啡，咁就過左一個寧靜悠閒既下晝。見隔離枱叫左野食都好似唔錯，可借今次食飽左先黎，下次一定會試埋佢d野食。