Lava Java 咖啡西餐廳 (Closed)

二週年紀念男朋友本來想同我去食自助山，但因為呢個星期食得太太太heavy 😂😂所以同佢講想食西式啲既!於是佢就揀佐Lava Java😊係觀塘地鐵站行去約十分鐘，都好快好方便!男朋友早一日訂枱，因為時間仲算早，我地大約七點半去到只有幾枱客人。環境好寬敞，感覺好舒服，同附近枱有距離感，朋友聚會傾密計一流!😍我地叫佐二個Dinner set, 一個set 可以有一份頭盤同飲品。頭盤我地揀佐法式田螺酥盒、煙三文魚凱撒沙律。法式田螺酥盒不過不失，賣相都好精緻，以為係酥皮底但我地覺得似牛油曲奇多啲，田螺味就唔係太突出，但味道不錯。煙三文魚凱撒沙律比我想像中好，煙三文魚份量都多，大塊得黎口感同味好濃!推介主餐方面男朋友鐘意食牛扒，所以叫佐份安格斯肉眼扒，七成熟。而我叫左份軟殼蟹南瓜汁意大利飯。有點失望牛扒份量唔大(可能我比較大食😂😂)，真係要慢慢咀嚼同細味😂。但肉質好juice 有咬口同好牛味。值得推介! 軟殼蟹南瓜汁意大利飯方面份量適中，有淡淡南瓜味，軟殼蟹份量都多幾好食! 不過就覺得南瓜汁如果煮濃啲會又好味。喜歡淡味啲既朋友可以試!當然我地都加左錢試試時日甜品，係朱古力布朗尼!大愛😍賣相十分好!