家賀屋

收工同朋友去銅鑼灣行街，行到有啲肚餓，見到有間日式餐廳個燈箱廣告唔錯就上咗去食。我哋叫咗兩個定食、兩個小食同一杯酒。味琳雞泡魚乾雞泡魚乾少少帶甜，咬落質感好好，點埋好味嘅日式沙律醬食好正。炙烤北海道魷魚條魷魚鬚好多，而且燒得啱啱好，咬落去仲好有彈性，用嚟送酒一流。巨峰提子乳酸梳打酒去居酒屋一定要點酒精飲品，飲品調得好好，飲落有提子香味，又唔會太甜，好易入口。姬路 刺身定食定食有湯、田園沙律同日式燉蛋，主食配左蕎麥麵。刺身有吞拿魚、鮪魚腩 、油甘魚 、三文魚同赤海蝦 ，全部都係厚切，肉質好新鮮。日式燉蛋好滑，而且足料。蕎麥麵都幾滑身，食落唔錯。花魚一夜干定食定食配菜有海帶麵豉湯、胡麻田園沙律、日式燉蛋，主食係御飯。原條燒日本花魚一夜干比想像中大條，食落唔會好咸，廚師煎得剛剛好，冇浪費左高質嘅食材。餐廳環境寧靜，食物用心製作，下次有機會會再去。