日作食堂

Open Now

Now Closed

早上喺觀塘做完嘢，時間大約11點有啲尷尬，途經呢間Cafe見仲有朝食，環境望落好舒服，所以入去試吓。周圍望吓見到黑板上畫咗好可愛嘅Chiikawa早餐時段就嚟完，所以得返一兩台客。用QR code落單叫咗份日式嘅all day Breakfast，可以免費添飲咖啡或者玉露茶。早餐好快送到，聞到撲鼻嘅香氣，仲要熱辣辣。多士暖笠笠表皮脆內面軟沙律菜加咗芝麻醬，更有日式風味。雞蛋好滑，腸仔係雞肉腸，煎到皮有啲脆。仲有蟹肉忌廉薯餅，煙肉同雞扒。雞扒就唔算好嫩。因為我唔食哈蜜瓜，所以只能夠淺嘗面頭嘅乳酪。之後坐咗陣，嘆多兩杯茶先走。