798 Unit & Co (Closed)

仲記得第一次去798，最深刻印象就係等到人都癲，等得到有位食得飯，已經冇咩胃口，再加上裡面人多應聲，太嘈，真係令人冇咩mood，好在食物好味，負負又得正，心諗「如果呢度唔使等位又靜就perfect啦！」呢個諗法，我諗有唔少朋友都有過。最近，再約朋友去，竟然望到有呢一日，真係唔使等，又唔太多人，靜靜地，真係可以慢慢食，傾下計！最抵係happy hour買一送一，酒可以飲得夠量，而食呢，都係一樣咁OK，以咁嘅收費，炸芝士夠香，羊柳夠嫩，ribs都香口味濃，炸魷魚都仲至少唔會令人失望。寫呢篇食評，係寫俾曾經鐘意798嘅朋友，有咩好食唔使講，只係想講，如果平日冇咩特別聚會，想靜靜食餐，唔使陪班friend去癲去試早知唔會好食得去邊嘅新餐廳，就係時候再返嚟呢度，係安全屋。