梓沐村

Open Now

Now Closed

平日夜晚喺附近大廈上完跳舞班，約朋友食晚飯，揀咗呢間餐廳。地方闊落，去到嘅時候八點九左右，都有五、六枱客，當中有兩枱帶埋狗狗食飯。揀咗$78嘅套餐，兩個熱菜加一個冷菜，分別係忌廉蟹肉餅、古早味炕肉、胡麻豆腐。蟹肉餅內餡就係日式粟米湯味嘅忌廉，蟹肉味唔出，但外皮炸得夠脆。古早味炕肉就是炆半肥瘦肉，香氣撲鼻。另一個套餐點咗最受歡迎嘅腐乳炸雞、馬鈴薯牛肉、拌茄子，都幾好食。可能唔係繁忙時間，食完後店員無匆匆忙忙咁執枱，可以坐低傾耐少少。