梓沐村

Open Now

Now Closed

台灣特色菜，環境舒適好闊落，有幾個唔同份量嘅套餐可以選擇（有兩餸或三餸）今次就食咗麻婆豆腐，白烚雞胸，加咗隻無菌蛋撈飯，唔知點解佢哋啲無菌蛋有啲苦澀🥹記得頭一兩次食嘅時候覺得好好味，本身都覺得幾好，但後來就覺得質素一路下降～已經冇啱啱開業嘅時候咁好食

長沙灣超高性價比Pet Friendly餐廳，已經第三次去食啦，水準一如以往，性價比真係超高，有裝修有環境，最重要係可以同埋隻愛犬一齊去食。入面嘅餐廳服務員都10分友善🥰仲有寵物飯團狗仔都唔使驚餓親啦☺️

有位小姐帶位，她行了兩步指一指就行開，沒有清楚說明坐邊度，見不多人，我地自己搵位坐，坐左一張四人枱，我地點咗兩個套餐，完餐之後想坐一坐先走，突然有位長頭髮男侍應走過來拉開隔離張枱，由於我哋點餐比較多，唔夠位放，我地兩杯飲品放了去隔離枱，而我手袋亦都放在隔離椅上，他全程沒有出過一句聲，我地呆咗一呆，都唔知發生咩事，原來有六位客人需要拍枱，其實好小事，出聲講聲有咁難咩？佢再行埋收碗嘅時候，我就同我朋友講佢好無禮貌，5分鐘後出去結帳，這位長頭髮男侍應全程黑面，大大力拍張單落枱，無想到食飯要睇侍應面色！食物一般可以接受，但服務生的態度非常惡劣，不能接受！

因為在同一個商場睇戲，所以都在同一個商場揾食。叫了2個套餐，食物味道都算不錯，擺盤精美有花心思，十分鍾意佢地既「古早味坑肉」同埋「蟹肉餅」。唯獨因為我地其中一個套餐的跟餐主食是有選烏冬，結果來了一款牛肉烏冬，我們以為就是跟餐的這個烏冬，結果食左一啖見再上餐又有烏冬先知是弄錯，於是跟一位男職員講返，但那個職員竟問返我地「咁你地想點吖」，我地咪講返因為我地食左一啖，佢可以收走但唔好諗住直接比另一枱客，男職員再話「一係你地要左呢個餐，取消未黎個餐囉」，我地唔想，直接叫佢收走碗烏冬。個男職員說話已無禮貌，之後仲更加悔氣現在飲食呢行生意艱難我明白，但員工態度都好影響一間餐廳的。

今日要同女女去麗新商業中心「金魚探索館」見到金魚館隔離有間台式餐廳「梓沐村」門面都幾靚， 而且是寵物友善餐廳😀這間餐廳嘅套餐，可以自選主食我哋揀選咗而以嘅主食：💓古早味坑肉炆得好淋，而且好入味！雖然少少肥膩個汁用嚟撈飯，真係冇得頂！好開胃🤤不過呢個主食，係我三個主食之中唯一滿意😅💓雞肉味噌煮呢個雞肉實在太普通，而且超淡味😪本身想叫一份雞肉，簡簡單單俾小朋友食點知口味太淡，連小朋友都唔想食🫠💓腐乳鹽酥雞我本身好鍾意食鹽酥雞，一見到餐牌有就即刻想落單不過呢個腐乳鹽酥雞，我覺得味道怪怪地而且個炸皮好硬，裏面的肉又好少😥平時炸物小食我好快就清碟😥今次碟鹽酥雞最後都食淨2件，唔想食😑之後和風牛肉烏冬，配溏心蛋！都係大家想像到個味道，無太特別！不過呢度環境OK，擺盤好靚，都可以加下分而且個坑肉係我都幾滿意嘅😌雖然另外兩個主食扣晒分，但我勉強都會俾個「OK」佢哋啦😅📍梓沐村 - 麗新商業中心

今日同朋友敘舊, 試咗一間幾特別既台日料理Cafe~ 餐廳係寵物友善餐廳, 但係會將寵物區group埋一邊唔會影響其他人! 我地選擇咗大食之選Combo set~ 可以自己揀唔同既主食冷盤配搭, 唔會唔啱食~ 台式麻婆豆腐既醬汁幾特別, 甜甜酸酸好惹味! 配埋少少肉碎, 攞嚟送飯岩曬~ 😋鹽燒鯖魚, 燒到剛剛好, 味道唔會好鹹, 加少少檸檬汁吊味, 唔會好腥, 好好食~讚岐手打醬油烏冬, 一上菜已經聞到湯底好香~ 手打烏冬煙煙韌韌, 配上醬油好掛汁, 幾好食!慢煮雞胸肉質唔會又鞋又乾~煮得剛剛好, 唔會好難入口, 味道比較清淡~涼拌菜心好好味! 好爽口, 令人好開胃~😛日式醬油蛋拌飯, 賣相超吸引! 日本無菌蛋好重蛋香～撈白飯超正👍鹽燒鯖魚, 燒到剛剛好, 味道唔會好鹹, 加少少檸檬汁吊味, 唔會好腥, 好好食~古早味坑肉用左五花腩肉, 層層分明, 肉質好腍好入味, 啲肥膏好邪惡, 但好好味~ 😈

我們於24/9（二）約下午兩點半🕝到達餐廳，只有1位客人，餐廳空間感大，多位置，走日式木系溫馨路線。以QR code下單我們叫了足食之選（即主食2款）（$68）及為食之選（即主食2款＋冷盤1款）（$78）。套餐包含漬物＆湯（鹽味蛤蜊湯）和飯，不包括飲品。㊀冷盤：❶鰹魚花涼拌茄子：有大約5條茄子片🍆，鰹魚花都幾多㊁主食：❶馬鈴薯燉牛肉：有2大塊馬鈴薯🥔，牛肉則是吉野家牛肉咁，都唔少❷鹽燒鯖魚❸上湯燉菜：主要係紅蘿蔔🥕及大白菜，健康之選❹慢煮雞胸（溫）：有數片雞胸切片，每一啖都不乾澀，不過就冇乜肉汁，健康之選主食似日本家庭式，主打健康冇味精，清淡飽肚🙌🏻以價錢來說，算叫抵食夾大件，餐具器皿都好有心思

我同老公都好鍾意四週圍去唔同嘅地方試新餐廳 長沙灣呢區我哋比較陌生 附近好多工廠區 真係好少嚟🍒今日特登上嚟呢一間寵物友善餐廳 真係好有驚喜 商場好新淨 主打寵物友善 啱曬我同老公 鍾意貓貓狗狗 商場好新淨 好乾淨 地鐵站 好方便 🚉🚄呢一間新開嘅日系嘅台式餐廳 真係好有驚喜 裝修好乾淨 好新 自己落單冇難度 餐牌上面嘅嘢 貴精不貴多 簡易容易明白 點菜又好容易 好方便 而且價錢一啲都唔貴$100蚊內就食到一餐豐富簡單 高質又健康嘅晚飯 真係好開心 🍚主菜大食之選 (自選三款主菜)⭐️鹽燒鯖魚亦都係我個人至愛 皮好香 食魚健康又好易送飯 好開胃🐟 ⭐️秘製蕃茄牛腩 牛肉味好濃鬱 個醬好好餸飯 ⭐️比目西京燒非常之有驚喜 魚肉好滑流 好香 ⭐️日式烏冬 煙煙靭靭 湯底清甜 大滿足🍜⭐️爆打香水檸檬茶 加18蚊就飲到 🍋飲品 都真係好有驚喜有我近期最愛呢一餐我覺得好健康 好有幸福嘅感覺 鍾意佢嘅idea 寵物友善見 🐶😼好歡迎啲狗狗 呢度畀人感覺好放鬆 嘢食好好食😋令我非常回味🩷

為食之選冷盤：日式胡麻豆腐主食：招牌腐乳鹽酥雞+上湯燉菜+白飯（日本珍珠米）飲品：蜂蜜柚子梳打好多款式揀，唔想食咁多肉，只係選左一份肉類。鹽酥雞外皮好脆，有腐乳味，入面好多肉汁。上湯燉菜入味，但係一般好食。胡麻豆腐好滑，個麻醬應該係邱比胡麻醬。蜂蜜柚子梳打好清爽大食之選 主食：台式麻婆豆腐+鹽燒鯖魚+忌廉蟹肉餅+日式醬油蛋拌飯飲品：招牌莱莉奶白麻婆豆腐屬於甜辣口味，鹽燒鯖魚好大條，魚味好出，外皮都燒到好香脆。忌廉蟹肉餅，入面好多薯蓉，好軟滑。醬油蛋拌飯個蛋係硬硬地，質地硬硬地透明咁。莱莉奶白好香莱莉花味，清甜淡奶香。

超近荔枝角站👍🏻 台日料理 🐶🍱麗新商業中心成為左寵物友善既商場今次就去左入面既「梓沐村」🍱分開一邊寵物友善區域🐶❤️午餐既自選組合 🍱自由配搭款式同主食份量👍🏻👅👅招牌腐乳鹽酥雞厚肉 最緊要係夠脆呀腐乳味唔算好濃 唔會好搶 👅馬鈴薯燉牛肉牛肉正常 但想講薯仔好入味! 煮得好夠淋🤝🏻我最中意呢款❣️👅秘製蕃茄牛腩呢款就係老公最愛😂蕃茄醬汁偏濃郁好岩送飯🍚🍚👅鹽燒鯖魚外皮香脆 正常水平👅台式麻婆豆腐另一個撈飯之選 小小辣👅日式醬油蛋拌飯(日本無菌蛋🥚）加左蛋 係溏心feel 比較傑身既蛋黃推薦大家加左正好多🍚🍳總括黎講 呢到寵物友善 加上免收加一 附近放lunch既打工仔同埋如果有狗狗主人去完d2 place都可以黎試下 多個選擇😆

我食咗大食之選$88呢樣加錢，嗰樣加錢，埋單我食咗$126相比之下，隔籬間cafe都係60-70蚊一個set，仲可以同動物玩。呢間性價比不高。我對貌似精緻、小家璧玉型餐廳，毫無抵抗力。餐廳位置闊落，裝修明亮簡潔，木托盤、餐具精美。點知食物令人失望。古早味坑肉肥豬肉嚟，睇圖知道被坑的肉應該係我，食落極之咸，由肉的顏色同結構睇黎，不太新鮮，有一刻諗佢係咪預製菜黎呢個餸仲係加錢先有，好後悔腐乳鹽酥雞招牌嚟，硬到冇朋友，咬到牙肉都痛，有腐乳味，但不是好味。昆布鰹魚湯，清清哋，OK馬鈴薯墩牛肉用的是肥牛片黎，乾鞋但味道不算差。輕芝士奶蓋綠茶，可以，芝士小咸剛剛好。服務入座無引領，無提用QR code落單，冇餐牌親眼看到隔離枱的女士，坐低後無人招待，不夠3分鐘起身離開了收盤快速，但有啲古怪的執著例如有鄰座兩位女士，其中一位想要牙簽，店員唔俾，叫女士share同伴的，因為入面有兩枝。總結性價比低，味道不佳。浪費了餐廳的佈置同配套。店員多、年輕有幹勁，但差啲培訓。

今天去了荔枝角麗新商業中心一間寵物友善餐廳叫梓沐村，見到好多主人帶狗狗坐係度，好温馨😛主食3款$88馬鈴薯燉牛肉🥔🥩牛肉鮮嫩，馬鈴薯軟腍，湯汁濃郁，牛肉和馬铃薯的味道交融在一起，帶有蘿蔔的甜香，十分美味😋比目魚西京燒🐟 +$20比目魚色澤金黄、表面微微焦脆，魚肉鲜嫩多汁酥炸花枝丸🍡$12酥炸花枝丸炸至香脆可口，咬落好彈牙😋日本珍珠米🍚日本珍珠煮得好軟熟Q彈輕芝士岩鹽奶蓋綠荼🥤$18绿茶的清新與芳香，加上奶盖的軟滑和淡淡的甜味，口感豐富😙招牌腐乳鹽酥鷄🐔嫩滑的鷄肉與腐乳结合，外皮金黄酥脆，内里却保持鷄肉的鲜嫩多汁😁廉蟹肉餅🦀蟹肉餅酥脆，咬下去能感受到细腻的蟹肉和奶油的香濃😚鹽燒鯖魚🐟鲜香的鱼肉與鹽的咸味结合，口感滑嫩而富有嚼勁😛古早味坑肉🐷+$8坑肉口感嫩滑，入口即化，湯汁濃郁😛日式胡麻豆腐 +$10豆腐滑嫩與胡麻的香濃相结合😗日式醬油蛋拌飯🥚🍚 +$12米飯香軟，醬油的咸味與蛋的滑腻相得益彰😛古早冬瓜菜🥤+$8口感清爽，有淡淡冬瓜香味😬

😺🐶 是日同埋朋友的狗狗黎荔枝角呢間寵物友善食店餐廳風格都幾溫馨😺😺可以同可愛既狗狗一齊外出食飯😍開心套餐有兩餸/三餸選擇，亦有冷盤可揀！同朋友一齊可以叫兩個套餐share 食，可以試晒唔同菜式😂招牌腐乳鹽酥雞外跪內軟既鹹香炸雞，啲雞肉都好鬆軟！而且份量都適中，香口之選😉忌廉蟹肉餅 炸得金黃香脆既外殼，咬落去有輕軟忌廉蟹肉流出，很creamy鰹魚涼拌茄子冰涼的冷盤，鰹魚汁茄子，清淡的味道，冰冰涼涼！很適合炎炎夏日食用秘製蕃茄牛腩濃烈蕃茄調味汁很帶點紅蘿蔔香，跟牛腩很搭，牛腩炆得好入味好夠淋（大推古早味坑肉很胖胖的一道菜！肉質口感較煙靭，肥肉很香😂 介意肥肉者慎用😎比目魚西京燒醬汁煮過的比目魚味道肉質香甜，魚肉很滑！日式醬油蛋拌飯醬油蛋鹹鹹蛋黃香加日本米飯吃起來很開胃～醬油漬的日本無菌蛋生蛋黃，吃起來安心又安全😍爆打香水檸檬茶估唔到呢到都有香水檸檬茶🤩見到即點～檸檬味爆香👀唔加糖會少少澀 但我可以😉招牌茉莉奶白茉莉奶茶，少甜，口味較清淡整體食物質素不錯👍🏻 台+日式口味，都好岩食！唔想食飯食下小食都唔錯

梓沐村荔枝角長沙灣道680號麗新商業中心1樓105A-B號舖經開長沙灣，老友推介台灣特色菜，環境舒適款式多，入去嘆下先。😸為食之選😋招牌腐乳鹽酥雞外層香脆，調味恰到好處，鹹度適中，好味道！😽古早味坑肉口感煙韌，肉和脂肪的比例剛剛好，肉汁豐富，推薦！😍日式胡麻豆腐豆腐又香又滑，胡麻醬好開胃。😀讚岐手打醬油烏冬烏冬煙韌爽滑，醬油湯底清甜。😁桂圓紅棗百寶茶養生之選，飲完好舒暢。😉大食之選🤤秘製番茄牛腩牛腩肉汁豐富，味道濃郁，酸酸甜甜的秘製番茄醬汁，好惹味，送飯一流。😻比目魚西京燒大廚即叫即製，比目魚新鮮嫩滑，沙律醬提升層次。😚日式和風沙律沙律新鮮，醬汁開胃，加埋檸檬汁效果更佳。😄鰹魚花涼拌茄子夏天食一流，湯底鰹魚味濃，茄子吸收了湯底的精華，好正！😸日式醬油蛋拌飯餐廳用日本無菌蛋，飯底煙韌。😺菊花決明子茶清熱解毒，啱曬成日捱夜嘅我。☺梓沐村 環境舒適，食材新鮮，侍應服務態度好，還會再來。😎🤘🏻

在附近工廈studio上完課，搜搜開飯，正好去就腳麗新商場覓食。商場上有電梯落是樓梯或有些不便，但商場內的日系裝修好醒神，而且一站式有齊寵物店、動物診所、寵物友善食肆十分方便。揀咗呢間日台式店醫肚，到店時已下午茶時段，所以人流不多正好靜靜吃個餐，手機自助順暢落單，不用多招呼，人手一人一個自選餐，份量足，醬油蛋黃軟糯咸淡適中撈飯一流👍🏻。最愛「招牌腐乳鹽酥雞」，輕淡腐乳帶出鹽酥香脆，雞肉保持滑溜，吃了一件又一件，連朋友那碟也不放過。「古早味坑肉」肥瘦相間甜豉油味滲滿，朋友點的「清爽菠蘿梳打」味道清新，但我更愛「輕芝士岩鹽奶蓋綠茶」，輕芝士層很厚，襯綠茶有種醇滑感😋。