阿三大牌檔

Open Now

Now Closed

尋晚得閒又入太和搵朋友仔食飯, 朋友仔帶我去左佢經常食嘅呢間大排檔, 佢話除左呢度嘅小炒有好多選擇, 餐廳內近門口嘅位置仲間左一個區域, 可以食客俾帶埋寵物一齊黎用餐, 佢都成日帶埋狗仔嚟, 對寵物友善嘅中式餐廳確實比較好少見👍🥢蜜餞鱔球 $168呢道鱔球係朋友仔極力推薦, 鱔肉已起到冇晒骨, 厚切非常肥美,  口感好彈牙，蜜餞甜甜地帶有少少黑椒味, 堅好食!🥢梅菜扣肉 $128扣肉唔會好肥膩, 呢度冇芋頭底轉左白菜仔底, 冇左傳統食落好漏嘅感覺, 我個人覺得咁都幾好!🥢雲耳百合炒勝瓜 $98健康D清清地炒多個菜, 勝瓜加埋爽口嘅雲耳百合,  味道都唔錯！總結：有大排檔風味，但比大排檔座位舒適。除左有寵物友善區，裡面仲有好多卡位同大枱，一家人嚟食都唔驚坐好迫。